Hafralónsá í Þistilfirði er ein af vatnsmestu ám Norðausturlands og því mikil og margbrotin. Þar skiptast á gljúfur með miklum hamraveggjum og fallegar malarbreiður. Veiðin í Hafralónsá hefur verið þokkaleg síðustu árin. Í megindráttum má skipta ánni í þrjá hluta. Neðst rennur hún á eyrum með fremur lygnum stórum breiðum en inn á milli eru stríðir strengir þar sem laxinn hvílir sig gjarnan á leið sinni upp ána. Miðhlutinn er að mestu í gljúfri og geymir hina frægu staði Gústa og Stapa, en í þeim má finna lax allt tímabilið. Ofar rennur áin um heiðar og hvamma þar sem finna má marga gríðarlega fallega veiðistaði. Veitt er í 2-3 daga í senn, frá hádegi til hádegis. Meðalveiði í ánni síðustu 10 árin er um 340 laxar.
Veiðihús Hafralónsár stendur í landi Hvamms á vesturbakka árinnar. Í húsinu eru 6 tveggja manna herbergi og eitt eins manns. Veiðimenn sjá um sig sjálfir, en hægt er að panta uppábúin rúm.
Veiðisvæði Hafralónsár er um 28 km langt með um 55 merktum veiðistöðum
Þórshöfn: 10 km, Akureyri: 230 km, Reykjavík: 617 km
Akureyrarflugvöllur: 230 km
Hreggnasi s: 577-2230 & 898-2230, [email protected]
Six Rivers Project, félag breska auðmannsins Jim Ratcliffe, hefur undirritað tíu ára leigusamning um veiðirétt í Hafralónsá. Samningurinn var undirritaður í gær á skrifstofu Langanesbyggðar. Ljósmynd/SRP mbl.is – Veiði ·
Þann 29. ágúst veiddist 79 sentímetra hrygna í Laxahyl í Hafralónsá. Þessi stóri lax tók flugu sem heitir Jens og er skírð í höfuðið á Sigurði Jens, sem var á
