Veiðin
Efri Haukadalsá er helst þekkt sem góð sjóbleikjuá með nokkurri laxavon. Hún er í kaldara lagi sökum hversu vatnasviðið er hálent og er það talið orsökin á því hversu erfitt laxinn á uppdráttar þarna. Efri Haukadalsá fellur í Haukadalsvatn frá efstu upptökum sínum við Jörfamúla en á leiðinni renna í ána ýmsir lækir sem gera hana að því vatnsfalli sem hún er. Efsti hluti árinnar fellur um gljúfur en neðar er áin lygnari og hentar sjóbleikju vel. Neðri partur árinnar, og þá sérstaklega ósinn, er talinn bestur til að næla sér í bleikju en laxavon er helst í efri hlutanum.
Gisting & aðstaða
Veiðihús
Veiðihúsið Snasagil stendur á jörðinni Leikskálar (sjá veiðikort). Húsið er lítið og notalegt með svefnaðstöðu fyrir allt að 8 manns. Veiðimenn þurfa sjálfir að leggja til rúmföt eða svefnpoka. Sængur og koddar eru á staðnum, einnig eru helstu áhöld til eldamennsku. Menn leggja sjálfir til hreinlætisvörur og salernispappír. Muna þarf að þrífa gasgrill fyrir brottför og taka allt rusl. Hægt er að fá keypt þrif í lok dvalar og eru upplýsingar um það að finna í húsinu. Við húsið er rafmagnspottur og gilda ákveðnar þrifareglur um hann sem eru sýnilegar í húsinu.
Veiðireglur
Sleppiskylda er á laxi, en enginn kvóti á bleikju
Kort og leiðarlýsingar
Frá Norðurárdalnum er tekinn afleggjari á vinstri hönd til Bröttubrekku og áleiðis til Búðardals. Beygt inn til hægri rétt áður en ekið er yfir Haukadalsá, afleggjarinn svo ekinn áleiðis meðfram Haukadalsvatni og er þá veiðihúsið á hægri hönd innar í dalnum
Veiðisvæði er um 11 km með 34 merktum veiðistöðum, allt frá Haukadalsvatni upp að Hlaupagljúfrum
Þjónusta í nágrenninu
Fjarðlægð til bæja
Búðardalur: 10 km / Reykjavík: 140 km
Nærliggjandi flugvellir
Reykjavíkurflugvöllur: 145 km
Veiðileyfi og upplýsingar
Eins og stendur eru leyfi í Efri-Haukadalsá ekki í boði
Daglegur veiðitími
Morgunvakt
Kvöldvakt
Eftir 12. ágúst breytist seinni vaktin í 15:00 – 21:00
Staðsetning
Fréttir af veiði Haukadalsá efri
Engin nýleg veiði er á Haukadalsá efri!