12000 kr. – 14600 kr.
Hrolleifsdalsá er í Hrolleifsdal sem liggur til suðausturs inn í Tröllaskagafjallgarðinn. Dalurinn er sagður kenndur við Hrolleif landnámsmann. Áin fellur í Skagafjörð austanverðan í um 18 km fjarlægð frá Hofsósi og rétt fyrir sunnan kirkjustaðinn Fell í Sléttuhlíð. Þetta skemmtilega veiðisvæði býður upp á mjög fallega sjóbleikju, urriða og laxavon. Seld eru tveggja daga holl, hálfur/heill/hálfur. Meðalveiði er um 400 sjóbleikjur og 10 laxar.
Ágætis veiðihús er við ána. Húsið er með tveimur tveggja manna herbergjum auk svefnlofts. Aðgangur er að heitu vatni og sturtu. Húsið er rafvætt og helstu tæki eru til staðar, svo sem eldavél, ísskápur, kaffivél, brauðrist ofl. Gasgrill er á staðnum. Veiðimenn mega koma í veiðihúsið einni klukkustund áður en veiði hefst og skulu rýma húsið fyrir kl. 14:00 á brottfarardegi. Mönnum ber að þrífa húsið fyrir brottför og fjarlægja rusl. Þeir leggja sjálfir til sængur, sængurfatnað, tuskur og viskustykki.
Í ánni má veiða með flugu, spún og maðki frá ósi upp að brú. En spúnn er bannaður fyrir ofan brú
Húsið er staðsett ofan vegar í landi Tjarna. Ekinn er þjóðvegur nr. 76 að bænum Tjörnum og þar tekin hægri beygja inn á slóða sem liggur að veiðihúsi. Hægt er að aka um neðri veiðistaði árinnar en til að komast fram á dal þarf að nota tvo jafnfljóta.
Um 30 veiðistaðir eru í ánni, sem ná frá ósi og rétt upp fyrir Efri-Girðingu
Hofsós: 17 km / Akureyri: 148 km / Reykjavík: 342 km
Akureyri: 150 km
Hólar í Hjaltadal, Sundlaugin á Hofsósi, Síldarsafnið á Siglufirði
SVFK s: 421-2888, [email protected]
Þannig er að félagsmenn ganga fyrir um veiðidaga
frá 21 ágúst til 20. sept er veiðitíminn á seinni vaktinni frá 15:00 – 21:00
„Ég og félagi minn vorum að koma úr Hrolleifsdalsá í Skagafirði,“ sagði Ásgeir Olafsson um veiðitúrinn í ána. „Hrollan er lítil og nett sjóbleikjuá þótt þar sé líka að finna
