Metfjöldi genginn í gegnum teljarann
júlí 28, 2022
Engar athugasemdir
„Annað árið í röð hélt fjölskyldan til veiða í Laugardalsá í Ísafjarðardjúpi. Átti nú að jafna metin frá í fyrra þegar laxinn var mikið að stríða okkur og duglegur við
Vestfirðir
Eigandi myndar: SVFR
Veiðitímabil
Leyfilegt agn
Fluga
Fjöldi stanga
3 stangir
Kvóti
1 fiskur á stöng/dag
Gistimöguleikar
Veiðihús
Leiðsögn
Í boði
Aðgengi
Fjölskylduvænt, Þægilegt aðgengi, Þarfnast leyfi, Jepplingar
Verðbil
heill dagur
59000 kr. – 110000 kr.
Veiðin
Laugardalsá er í Ísafjarðardjúpi og rennur til sjávar í vestanverðum Mjóafirði. Hún var fyrrum fisklaus, en árið 1969 var gerður fiskvegur og með tilkomu hans varð áin gríðarlega góð laxveiðiá. Hún er nú talin ein sú allra besta á Vestfjörðum með meðalveiði uppá nærri 300 laxa. Hún er nett laxveiðiá með magnaða veiðistaði og vatnshraðinn kjörinn fyrir fluguveiði. Aflinn er að megninu til 1 árs lax en einnig veiðist þar töluvert af 2ja ára laxi. Þónokkuð er af urriða í bæði vötnunum sem áin þræðir í gegnum og er því um að gera að egna fyrir hann líka. Áin hentar vel smærri hópum, sem vilja vera útaf fyrir sig. Stangirnar eru alltaf seldar saman, og eru einungis 2 stangir notaðar í upphafi og lok veiðitímabilsins. Veitt er í 2-3 daga í senn, frá hádegi – hádegis.
Gisting & aðstaða
Veiðihús
Við ána er notalegt veiðihús með 6 tveggja manna herbergjum. Gott eldhús er í húsinu með helstu þægindum ss. uppþvottavél, gasgrilli o.fl. Veiðimenn mega koma í húsið klukkustund áður en veiðitími hefst og ber að rýma það klukkustund eftir að veiðitíma lýkur. Þeir leggja sjálfir til mat, hreinlætisvörur, rúmföt og handklæði. Menn eru beðnir um að þrífa húsið vel og taka allt rusl með sér er þeir yfirgefa húsið. Reykingar eru ekki leyfðar inni í húsinu og vinsamlegast skiljið ekki eftir sígarettustubba fyrir utan húsið. Húsið stendur opið og eru veiðimenn beðnir að skilja það eftir opið við brottför.
Veiðireglur
Sleppiskylda er á laxi sem er stærri en 70cm
Kort og leiðarlýsingar
Veiðisvæðið spannar um 6 km, með um 20 merktum hyljum
Þjónusta í nágrenninu
Fjarðlægð til bæja
Ísafjörður: um 118 km
Nærliggjandi flugvellir
Ísafjarðarflugvöllur
Veiðileyfi og upplýsingar
Stangaveiðifélag Reykjavíkur, [email protected] s: 568 6050
Daglegur veiðitími
Morgunvakt
Kvöldvakt
Varðandi daglegan veiðitíma
eftir 15. ágúst er seinni vaktin frá 15:00 – 21:00
Staðsetning
Vestfirðir
Vinsælar flugur
Fréttir af veiði Laugardalsá