42000 kr. – 50200 kr.
Þeir sem heimsækja Laxá í Laxárdal geta átt von á að veiða stærri urriða en víðast hvar annars staðar. Rúmlega 70% veiðinnar undanfarin ár hefur verið fiskur sem er lengri en 50 cm og 20% aflans í Laxárdal meira en 60 cm. Veiðimenn eru vel utan alfaraleiðar og því út af fyrir sig í mögnuðu umhverfi Laxárdalsins. Óhætt er að fullyrða að veiðisvæðið í Laxárdalnum er einstakt í sinni röð; umhverfið, vatnið og veiðin skapa órofa heild sem lætur engan ósnortinn. Hér finna menn sig vel hvort sem notaðar eru púpur, straumflugur eða þurrflugur. Sé svæðið borið saman við Mývatnssveit þá veiðast færri en stærri fiskar í Laxárdal. Boðið er upp allt frá einum degi upp í nokkurra daga holl yfir veiðitímann.
Menn gista í veiðihúsinu að Rauðhólum þar sem þeir greiða fyrir uppábúin rúm og fullt fæði á staðnum. Í húsinu eru 12 tveggja manna herbergi. Veiðihúsið er með heitum potti og sauna klefa. Ekkert símasamband er í húsinu en WiFi samband er komið í húsið. Í húsinu er góð vöðlugeymsla, stór stofa og matsalur þar sem matur er framreiddur á hlaðborði.
Þegar komið er inn í Aðaldal við gatnamótin við bæinn Tjörn er beygt inn dalinn í áttina að Laugum. Þangað til komið er að Staðarbraut (vegur 854) þá er keyrt er sem leið liggur upp að Laxárvirkjun en beygt þar upp Laxárdal rétt áður en komið er að virkjuninni. Þaðan er keyrt upp Laxárdalinn þangað til komið er til móts við brú sem er yfir ánna. Þar austan megin við ánna stendur veiðihúsið að Rauðhólum.
Veiðisvæðið nær yfir meirihluta Laxárdals, eða frá og með Ljótsstaðabakka og niður undir Laxárvirkjun
Húsavík: um 35 km, Akureyri: 73 km um Vaðlaheiðargöng, Reykjavík: 459 km um Vaðlaheiðargöng
Akureyrarflugvöllur: 74 km um Vaðlaheiðargöng
Mývatnssveit: 22 km, Goðafoss um 38 km
Stangaveiðifélag Reykjavíkur s: 568 6050, [email protected]
Eftir 15. ágúst er seinni vaktin frá 15.00 til 21.00
Fyrstu dagarnir í Laxá í Laxárdal lofa aldeilis góðu uppá framhaldið. Lífríkið búið að taka á fullu við sér og fiskur víða að taka flugur á yfirborðinu. Samkvæmt Magnúsi Björnssyni
Opnunarhollið í Laxárdalnum fyrir norðan lauk veiðum á hádegi í dag og stóð algerlega undir væntingum. Hollið skilaði veiði upp á 64 fiska en tveir þriðju af aflanum voru fiskar
