Langadalsá er innst í Ísafjarðardjúpi og fellur af Þorskafjarðarheiði í Nauteyrarós. Hún telst vera síðsumarsá að upplagi en þónokkuð er af snemmgengum tveggja ára laxi á vatnasvæðinu og hefur sá stofn farið vaxandi í kjölfar skyldusleppinga á stórlaxi sem hófust árið 2013. Áin rennur um vel gróið láglendi norður Langadal. Auk laxveiðinnar er oft góð bleikjuveiði í ánni. Meðalveiði er um 310 laxar á síðustu 15 árum. Veitt er 2 daga í senn, frá hádegi til hádegis.
Stutt frá ánni er rúmgott og fallegt veiðihús sem samanstendur af tveimur skálum sem tengdir eru saman með stórri verönd. Í öðrum skálanum er setustofa og eldhús en í hinum eru 8 rúmgóð tveggja manna herbergi. Í boði eru uppábúin rúm og þrif eftir hvert holl. Aðgerðarhús og gufa eru á veröndinni og þar er einnig gasgrill. Frábær aðstaða fyrir veiðimenn og fjölskyldur þeirra.
Veiðimenn mega koma í hús 1 klst. fyrir veiðitíma en á brottfarardegi skal veiði ljúka kl. 12:00. Endilegar hendið rusli og fjarlægið flöskur og dósir í viðkomandi ílat við húsið.
Veiðihúsið er innifalið í verði veiðileyfa
Húsið er staðsett í Langadal en þangað eru um 47km frá Hólmavík. Frá Hólmavík er ekinn vegur nr 61 og skilti elt sem vísar á Ísafjörð. Ekið er yfir Steingrímsfjarðarheiði þangð til komið er að skilti merktu með veganúmeri 635 á hægri hönd. Farið er framhjá þessu skilti og eknir nokkrir metrar áfram og þá er upplýsingastopp á vinstri hönd. Næsti afleggjari er malarvegurinn inn í Langadal. Þessi malarvegur er ekinn inn dalinn, framhjá nokkrum sumarhúsum á vinstri hönd og eftir 4 km er veiðihúsið staðsett við ána á hægri hönd.
Langadalsá er fiskgeng um 20 km og eru merktir veiðistaðir 37 talsins
Hólmavík: 47 km / Ísafjörður: um 132 km
Ísafjarðarflugvöllur: um 132 km
Sigurður M Þorvaldsson s: 821-8080, [email protected]
En seinni vaktin verður 15 – 21 frá 21. águst – 24. september
„Það hefur eflaust ekki farið framhjá neinum að þúsundir eldislaxa sluppu nýverið úr netpokum Arctic Fish í Patreksfirði. Þessir laxar synda nú upp ár landsins og hafa á annað hundrað
„Hegrinn“ er grúppa sem hefur veitt saman í um það bil 20 ár og þar af 17 í Langadalsá í Ísafjarðardjúpi,“ segir Máni Svavarsson og heldur afram; ,,Í upphafi vorum
