Austast á Héraðssöndum eru ósar Selfljóts og þar byrjar jafnframt fyrsta veiðisvæði fljótsins. Sjöunda og efsta veiðisvæðið endar í Gilsárgili aðeins 15 km frá Egilsstöðum. Dyrfjöll og Beinageitarfjall tróna yfir fallegum og fjölbreyttum veiðistöðum Selfljóts og Gilsár. Upp ósasvæðin sækja silfraðar bleikjur, þar er boðið upp á breytilegan veiðitíma með möguleika á ógleymanlegri miðnæturveði. Á miðsvæðunum sveimar sprækur urriði og bleikja og í Gilsá og Bjarglandsá má fá stórar bleikjur og lax þegar líður á sumarið. Veiðisvæðin sjö bjóða upp á friðsæld og einstaka náttúrufegurð, jafnt fyrir þrautþjálfaða fluguveiðimenn og þá sem nota veiðiferðir til að sækja sér hugarró og samverustundir fyrir fjölskylduna. Meðalveiði er um 350 silungar og um 15 laxar hvert sumar.
Ekkert veiðihús er við Selfjót en víða er gistingu að fá á Héraði t.d. visitegilsstadir.is/gisting
Mikið er af orlofshúsum stutt frá Egilsstöðum t.d. Einarsstaðir og Eiðar
Sleppiskylda er á öllum laxi 70 sm og stærri. Annars eru engar takmarkanir á fjölda veiddra fiska. Veiðitímabilið hefst 20 maí, þó aðeins um helgar á svæði 1. Það hefst 20. júní á svæðum 1, 2, 4, og 5 og svo 1. júli á svæðum 3, 6 og 7. Veitt er á öllum svæðum til 20 september.
Alla veiði á að færa í rafræna veiðibók Selfjóts á veiðitorg.is.
Veiðisvæðið nær frá ósi í Héraðsflóa (svæði 1) og að Fosshyl í Gilsá (svæði 7)
Hér má sjá kort af veiðisvæðum
Egilsstaðir: um 15 km, Akureyri: 263 um Vaðlaheiðargöng, Reykjavík: 652 km um Akureyri
Egilsstaðarflugvöllur: 17 km
Borgarfjörður eystri: er aðeins 20 km frá neðsta svæðinu, en um 50 km frá þeim efstu. Hallormstaðaskógur: 42 km
Frá og með 16. ágúst er veitt frá 14:00-20:00 á seinni vaktinni. Ef keyptur er heill dagur á svæði 1 er veiðitími frjáls, þó að hámarki 12 tímar á hverjum degi.
Bleikjan verið að gefa sig neðst Eins og víða mætti veiðin vera betri fyrir austan eins og í Selfljóti sem rennur austast á Hérðassöndum þar sem ósar fljótsins liggja. Í
