Veiðin
Dalsá og Tungudalsá eru laglegar dragár í Fáskrúðsfirði. Þær eiga upptök sín í tæplega 1.000 metra hæð á heiðunum inn af Fáskrúðsfirði og renna um dalina sitt hvoru megin við Suðurfjall. Dalsá er stærri áin og liggur þjóðvegurinn úr Fáskrúðsfjarðargöngum meðfram henni að mestu. Tungudalsá er hinsvegar í nokkuð ósnortnu og fallega grónu umhverfi og er ekki akfært með henni.
Stærð bleikjunnar í Dalsá er svipuð og í ánum í næstu fjörðum, mest af punds og hálfs annars punds fiskum. Hvert sumar koma þó á land fiskar um og yfir 3 pund og svo einn og einn lax. Tungudalsá breytir sér talsvert á milli ára, enda ekki óalgengt að það komi í hana mikil hlaup. Þó eru þar góðir veiðistaðir sem virðast halda sér árlega og þar leynast bleikjur af sömur stærð og í Dalsá.
Gisting & aðstaða
Gistihús
Gistihúsið Tunguholt s: 892-1374, 847-1679
Gistihús Elínar Helgu s: 868-2687
Veiðireglur
Kvóti er enginn, en mælst er með hófsemi og að menn sleppi eins miklu og mögulegt er. Leyft er að veiða á flugu, maðk og spún í Dalsá, en eingöngu er leyfð fluguveiði í Tungudalsá.
Leyfðar eru 3 stangir í Dalsá og 2 stangir í Tungudalsá
Veðileyfi: Hálfur dagur 5000 kr. + 1000 kr. í skilagjald / Heill dagur 7000 kr. + 1000 kr. í skilagjald.
Alla veiði á að færa í rafræna veiðibók Dalsár og Tungudalsár á Veiðitorg.is. Veiðibækur síðustu ára má sjá hér
Kort og leiðarlýsingar
Dalsá er fiskgeng að Svarðarfossi, sem er ofarlega í ánni. Tungudalsá er fiskgeng tæpa 4 km inn að Stekkjarfossi
Þjónusta í nágrenninu
Fjarðlægð til bæja
Reyðarfjörður: 19 km, Egilsstaðir: um 48 km, Akureyri: 294 km um Vaðlaheiðargöng
Nærliggjandi flugvellir
Egilsstaðaflugvöllur: 50 km
Veiðileyfi og upplýsingar
Daglegur veiðitími
Morgunvakt
Kvöldvakt
Staðsetning
Vinsælar flugur
Fréttir af veiði Dalsá & Tungudalsá
Engin nýleg veiði er á Dalsá & Tungudalsá!