Veiðin
Hraunhafnarvatn er stærsta vatnið á Melrakkasléttu eða 3,4 km². Vatnið er dýpst um 4 m og er í 2 m hæð yfir sjávarmáli. Hraunhafnará rennur í suðurenda vatnsins. Hraunhafnarvatn er við þjóðveginn og liggur hann við vatnið á malarifi sem er milli vatns og sjávar. Í vatninu er bæði bleikja og urriði, sem hafa dafnað vel, því vel hefur verið staðið að grisjun. Mikið er af bleikju, mest 1/2 – 1 pund en allt að þremur pundum, sem og urriða sem getur orðið allt að 6 pund. Bestu veiðistaðirnir í Hraunhafnarvatni eru við mölina og einnig á leið inn með vatninu í átt að Hraunhafnará. Út af ós árinnar er oft mikið af fallegum urriða.
Gisting & aðstaða
Tjaldstæði
Leyfilegt er að tjalda á eigin ábyrgð á gömlu túni við vatnið en stutt er í mjög gott, skipulagt tjaldstæði á Raufarhöfn
Veiðireglur
Handhöfum Veiðikortsins ber að vera með kortið og skilríki á sér og tilbúnir að sýna það veiðiverði þegar hann vitjar veiðimanna. Það er stranglega bannað að skilja eftir sig rusl og aka utan vega. Börn yngri en 14 ára veiða frítt í fylgd með korthafa. Óskað er eftir að því að menn sendi upplýsingar um afla með tölvupósti á netfangið [email protected].
Kort og leiðarlýsingar
Veiði er heimil í landi Skinnalóns og má sjá merkingu á korti um hvar má veiða
Þjónusta í nágrenninu
Fjarðlægð til bæja
Raufarhöfn: 13 km, Húsavík: 138 km, Egilsstaðir: 270 km, Akureyri: 215 km og Reykjavík: 602 km.
Veiðileyfi og upplýsingar
Vatnið er hluti af Veiðikortinu
Umssjón með vatninu: Halldór Þórólfsson s: 863-8468.
Daglegur veiðitími
24 klukkustundir
Heimilt er að veiða allan sólarhringinn í vatninu
Staðsetning
Fréttir af veiði Hraunhafnarvatn
Engin nýleg veiði er á Hraunhafnarvatn!