5000 kr. – 5000 kr.
Fellsendavatn er á hálendinu nálægt Þórisvatni, í aðeins 19 km fjarlægð frá Hálendismiðstöðinni Hrauneyjum. Í eðlilegu árferði er vatnið rétt um 1.7 km² að flatarmáli og liggur í um 530 metrum yfir sjávarmáli. Í miklum þurrkum, hverfur syðri hluti vatnsins algjörlega. Þetta er fyrsta vatnið sem komið er að þegar keyrt er til Veiðivatna frá Hrauneyjum. Í vatnið var sleppt urriðaseiðum sem hafa náð að dafna vel. Veiðin getur verið upp og ofan en urriðinn í vatninu er nokkuð vænn, eða allt að 6 – 7 pundum, og yfirleitt ekki minni en um 2 pund. Helstu veiðistaðir eru við ströndina að norðan. Vatnið hefur einnig verið nokkuð vinsælt á veturna þar sem leyfð er veiði í gegnum ís.
Tjaldstæði eru engin að ráði þar sem umhverfið er sandur en gott pláss er fyrir tjaldvagna og fellihýsi
Umhverfis vatnið er að mestu sandur og ekki mikið um gróður, en þar sem gróður er að finna er hann viðkvæmur. Þessi svæði eru miklar náttúruperlur og eru veiðimenn sérstaklega hvattir til að ganga vel um, aka ekki utan slóða og skilja ekki eftir sig sorp.
Veiða má í öllu vatninu
Aðkoman að vatninu er nokkuð auðveld og hægt er að keyra alveg niður að því. Þó ber að athuga að sandurinn getur verið laus í sér og því gætu litlir fólksbílar fest sig.
Hella: 98 km, Selfoss: 115 km, Reykjavík: 173 km og Akureyri: 519 km (Sprengisandsleið 233 km)
Hálendismiðstöðin að Hrauneyjum s: 487-7782 og Fishpartner – Fellsendavatn
Veiðifélagar Fish Partner veiða frítt í vatninu
Frjáls en þó ekki lengur en 12 klukkustundir á dag
„Við fórum fjórir félagar í dorgveiði og settum okkur það markmið að ná allir einum fiski í matinn. Ég hef aldrei áður komist á blað í janúar. Sá fjórði er
