Áin rennur, í hrikalegu landslagi frá upptökum sínum í sunnanverðu Víðdalsfjalli, um 28 km vegalengd í Hópið. Hún er hins vegar aðeins fiskgeng um 10 km vegalengd frá ósnum. Þetta er ein þessara laxveiðiáa sem margir veiðimenn telja ekki gullmola við fyrstu sín en er þekkt fyrir mikla meðalþyngd, eða um 8 pund. Laxastigar í ánni koma í veg fyrir alla tálma og á laxinn greiða leið langt inn á heiði. Ekki veiðist þó eingöngu lax í Gljúfurá því við ósinn í Hópið er töluverð bleikjuveiði og einning sjóbirtingur sem margir sækja í. Bleikjan er oftast á bilinu eitt til þrjú pund en sjóbirtingurinn á það til að ná sex pundum. Gljúfurá er einstaklega falleg og áhugaverð veiðiá þar sem boðið er bæði upp á lax og bleikju. Laxinn gengur seint í ána og er besti tíminn í ágúst og september.
Veiðihúsið er stórglæsilegt með útsýni yfir ána. Svefnpláss er fyrir fimm í tveimur tveggja manna herbergjum og einu eins manns. Allt er til alls í húsinu, heitur pottur, grill og góður pallur. Áin er frábær kostur fyrir þá sem vilja vera út af fyrir sig. Stutt er í alla þjónustu á Blönduósi en þangað er aðeins tíu mínútna akstur.
Sleppiskylda er á laxi, en heimilt er að taka bleikju og sjóbirting í soðið en veiðimenn skulu gæta hófs
Áin er fisgeng um 10 km vegalengd, frá ósi við Hópið og upp að Eyrarhyl
Blönduós: um 20 km / Reykjavík: 223 km / Akureyri 145 km
Akureyrarflugvöllur: 145 km, Reykjavíkurflugvölur: 225 km
Hvítserkur, Kolugil í Víðidal og Vatnsdalshólar
Upplýsingar: [email protected] s: 893-0120
Eftir 20. ágúst er veitt frá 15:00 – 21:00 á seinni vaktinni
„Við skelltum okkur fjögur saman í tveggja daga ferð í Gljúfurá í Húnaþingi þar sem aðalmarkmið ferðarinnar var að Bríet Sif fengi maríulaxinn sinn,“sagði Styrmir Gauti Fjeldsted og bætti við;
„Veiði- og heiðursmannafélagið Skógarefil skellti sér í Gljúfurá í Húnaþingi fyrir fáum dögum. Væntingar manna voru hóflegar enda einungis 14 laxar skráðir í veiðibókina það sem af var sumri á
