Veiðitímabil
Leyfilegt agn
Fjöldi stanga
Kvóti
Gistimöguleikar
Leiðsögn
Aðgengi
Verðbil
59000 kr. – 139000 kr.
Veiðin
Veiðisvæðið Brennan er við ármót Þverár og Hvítár í Borgarfirði. Sá fiskur sem er á leið í Þverá fer þarna um. Í Brennunni hafa veiðimenn mest veitt í vatnaskilunum þar sem árnar mætast. Leyfilegt er að veiða á flugu allt tímabilið en í ágúst og september er einnig leyfilegt að veiða á spún. Veiðin er oft ævintýralega góð á svæðinu. Framan af sumri er laxinn aðal uppistaðan í veiðinni en þegar kemur undir lok júlí, þá fer sjóbirtingur að ganga að krafti upp í árnar.
Gisting & aðstaða
Veiðihús
Tvö rúmgóð veiðihús standa við Brennu. Eldra húsið var endurbyggt nýlega. Þar eru 2 svefnherbergi og baðherbergi. Nýrra húsið er einnig með tveimur 2ja manna herbergjum, eldhúsi , setustofu og litlum borðkrók. Við húsið er heitur pottur og gott grill er á verönd. Nú fylgja uppábúin rúm fyrir veiðimenn og þrifið er eftir hvert holl. Húsgjald, kr. 35.000, er innheimt sérstaklega með hverju holli, sendur er sér reikningur.
Á sjóbirtingstíma er gist í Brennu húsum. Þá eru fjórar stangir seldar saman en leyft er að veiða á fimm. Fimmta stöngin er án endurgjalds.
Fyrir frekari upplýsingar hafið samband við Björg s: 899-1306 / [email protected]
Kort og leiðarlýsingar
Ekinn er þjóðvegur 1 í gegn um Borgarnes og áfram norður. Við veitingaskálann Baulu (25 km. norðan við Borgarnes) er beygt til hægri og keyrt yfir brúna yfir Norðurá í ca. 2,7 km og þá er beygt útaf til hægri afleggjara sem liggur að bænum Hamraendum, keyrt framhjá bænum og áfram vegarslóða að veiðihúsinu.
Veiðisvæðið er við vatnaskil Hvítár og Þverár
Veiðileyfi og upplýsingar
Starir ehf t: (+354) 546-1373 & 790-2050, [email protected]
Daglegur veiðitími
Morgunvakt
Kvöldvakt
Eftir 14. ágúst er seinni vaktin frá15-21
Staðsetning
Vinsælar flugur
Fréttir af veiði Hvítá – Brennan
Engin nýleg veiði er á Hvítá – Brennan!