Veiðin
Langavatn er um 5,1 km² að flatarmáli og er 36 metra djúpt þar sem það er dýpst. Það er í 215 metra hæð yfir sjávarmáli í fallegu umhverfi. Þangað rennur Langavatnsá að norðan en Beilá að austan. Úr suðvesturhorni vatnsins fellur hin kunna laxveiðiá Langá til suðurs. Langavatn hefur verið notað til vatnsmiðlunar og því getur yfirborðshæð þess verið nokkuð breytileg. Helstu veiðistaðir eru austarlega í vatninu við hólma sem eru fram undan leitarmannakofa við vatnið. Góðir veiðistaðir eru einnig við útfall Langár. Í vatninu veiðist bæði bleikja og urriði, bæði litlir og stórir fiskar, en yfir 8 punda urriðar hafa veiðst í vatninu.
Gisting & aðstaða
Tjaldstæði
Korthafar Veiðikortsins geta tjaldað endurgjaldlaust við vatnið, en enga hreinlætisaðstöðu er þar að finna.
Veiðireglur
Handhafar Veiðikortsins skulu hafa það á sér til að sýna veiðiverði þegar hann vitjar veiðimanna. Menn eru vinsamlegast beðnir um að fylla út veiðiskýrslu á vefnum og senda með tölvupósti. Netaveiði er stunduð í vatninu en er bönnuð fyrir handhafa Veiðikortsins.
Kort og leiðarlýsingar
Leiðin að Langavatni liggur eftir þjóðvegi nr. 1 um Borgarnes að Svignaskarði. Þar er ekinn 13 km langur afleggjari, jafnan fólksbílafær, upp með Gljúfurá. Þá er einnig fært að vatninu eftir leið upp með Langá.
Veiða má í vatninu öllu. Helstu veiðistaðir eru við hólma austarlega í vatninu og einnig við útfall Langár.
Þjónusta í nágrenninu
Fjarðlægð til bæja
Borgarnes: 32 km, Reykjavík:108 km, Reykjanesbær: 150 km, Akureyri: 311 km
Áhugaverðir staðir
Grábrók: 31 km, Glanni og Paradísarlaut: 29 km og Krauma: 35 km
Veiðileyfi og upplýsingar
Vatnið er hluti af Veiðikortinu
Daglegur veiðitími
Frá kl 07:00 til 24:00
Staðsetning
Fréttir af veiði Langavatn á Mýrum
Engin nýleg veiði er á Langavatn á Mýrum!