6000 kr. – 15000 kr.
Hér er um að ræða frekar nýtt veiðisvæði sem er að austanverðu, í landi Laugardæla og gólfvallarins á Selfossi. Um er að ræða góða silungsveiði að vori og er þar aðallega um að ræða sjóbirting. Lax fer að ganga um svæðið um miðjan júní og í meira magni þegar komið er fram í júlí. Þarna fer um allur sá lax sem er á leið sinni ofar í kerfið, m.a. í Sogið, Stóru Laxá og Tungufljót. Sjóbirtingur mætir svo aftur á haustinn og veiðist fram í október. Veiðisvæðið er afar fjölbreytt og veiðilegt, með mikla bakkalengt fyrir aðeins tvær stangir. Þarna má lenda í hörkuveiði, og þó meðalafli sé um 2-6 fiskar á dag, hafa sumir náð á land á annan tug fiska.
Hver stöng má hirða einn fisk, en í vorveiðinni ber að sleppa laxi. Skilda er að skrá veiði, sem má gera með því að koma við í Veiðibúð Suðurlands, hringja í síma 662-5320 eða senda SMS.
Hafður er sá háttur á að tvær stangir eru seldar saman! Þó má kaupa staka stöng ef það er óselt daginn fyrir veiði
Veiðitímabilin eru:
Vorveiði: 1. apríl – 10. júní (dagsleyfi 10.000 – 27.000 kr)
Sumar og haust: 15. júní – 20. október (dagsleyfi 27.000 kr)
Hálfir dagar eru í boði og miðast verðbilið undir tákninu hér að ofan við það
Selfoss er stutt frá
Stutt er að sækja í veitingar á Selfossi
Veiðibúð Suðurlands, Austurvegi 22, Selfossi s: 662-5320.
Nú á vordögum opnaði nýtt veiðisvæði á austurbakka Ölfusá, í landi Laugardæla og gólfvallarins á Selfossi. Í boði er góð silungsveiði að vori, aðallega á sjóbirtingi og svo fer lax
