65000 kr. – 240000 kr.
Norðurá í Borgarfirði er í hugum margra veiðimanna ein besta laxveiðiá landsins með um 2000 laxa árlega meðalveiði á síðustu 10 árum. Áin á upptök sín í Holtavörðuvatni um 62 km frá sjó og telst vatnasvið árinnar vera um 518 km². Í ánni eru um 170 merktir veiðistaðir og er fjölbreytileiki þeirra mikill, allt frá nettum strengjum upp í stórar og vatnsmiklar breiður. Veiðisvæðin bjóða því upp á allt sem hægt er að hugsa sér í einni laxveiðiá. Í Norðurá eru þrír fossar helstir, Laxfoss, Glanni og Króksfoss, hver öðrum fallegri.
Lengi framan af voru fossarnir í ánni mikill farartálmi fyrir laxinn, sérstaklega Laxfoss sem er þeirra neðstur. En með tilkomu á laxastigum í Laxfossi og Glanna og lítilsháttar lagfæringu við Króksfoss, á laxinn greiða leið upp með ánni inn á heiðina.
Veiðihúsið kallast Rjúpnahæð. Nýlega var byggt við það og í þeirri nýbyggingu eru 14 svefnherbergi fyrir veiðimenn, vöðlugeymsla, móttökusalur og sauna. Móttökusalur tengist við stofuna sem einnig var mikið lagfærð og úr stofunni er svo gengið inn í matsal. Í gistiálmu er full þjónusta eins og gerist á hótelum, fæði, sængurföt, baðsloppar og handklæði. Í setustofunni er gluggi sem aldrei verða sett gluggatjöld fyrir, en út um hann má sjá eitt fegursta útsýni við veiðiá á Íslandi; Laxfoss, Grábrókarhraun, Hraunsnefsöxl og drottingu Borgarfjarðar, Bauluna. Þar er einnig arinn sem veiðimönnum þykir notalegt að sitja við, sérstaklega er líður að hausti. Meistarakokkur, sér um að kitla bragðlauka veiðimanna, með frábærri matreiðslu úr eldhúsinu.
Sleppa skal öllum laxi 70 cm og stærri. Kvóti er háður ákvörðun Veiðifélags Norðurár hverju sinni
Veiðisvæðið tekur breytingum yfir sumarið. Frá 6. júní til 6. júlí nær það frá og með Kálfhyl á Stekkssvæðinu og upp að brú við Fornahvamm. Frá 6. júlí (seinni vakt) og til 1. sept. nær veiðisvæðið frá Engjanefi við Munaðarnes til og með Hvammsleiti. Frá 1. sept. (seinni vakt) og til loka 8. sept. nær það frá Engjanefi og að Króksfossi.
Hér má finna Kort af veiðisvæðinu
Borgarnes: 26 km, Reykjavík: 101 km, Reykjanesbær: 143 km, Selfoss: 143 og Akureyri: 288 km
Keflavík: 144 og Reykjavík: 102 km
Grabrók: 8 km, Krauma: 26 km og Hraunfossar og Barnafoss: 48 km
Eftir 14. ágúst er veiðitíminn frá 8-13 og 15-21
Veiðiárnar eru á síðustu metrum þetta veiðitímabil og ég ætla ekki að tala um sumar. Veiðin var fín víða og betri en í fyrra alla vega. Flestar hafa bætt sig
„Veiðin gekk flott í Norðurá hjá okkur og hollið endaði í 37 löxum, fyrstu laxarnir voru að veiðast fyrir ofan Laxfoss í þessu holli, tveir á BerghylsbrotInu,“ sagði Árni Friðleifsson sem
„Þetta var frábær veiðitúr hjá Veiðifélaginu Börmunum og við fengum 19 laxa,“ sagði Anna Lea Friðriksdóttir sem var að koma úr Norðurá í Borgarfirði. En Veiðifélagið Barmarnir voru við veiðar
„Þetta byrjaði bara vel miðað við aðstæður, skítakuldi og það komu nitjan laxar á land, töluvert slapp og fiskurinn tók grannt í kuldanum,“ sagði Nuno Alexandre Bentim Servo við Norðurá í Borgarfirði
„Áin er vatnsmikil og vonlaust að skyggna ána þessa dagana,“ sagði veiðimaðurinn Jón Ásgeir Einarsson við Norðurá í Borgarfirði, en áin er vatnsmikil eins og fleiri ár. Mikið hefur rignt og
Laxveiðin mjakast áfram, vatnið er gott í veiðiánum og veiðin í fínu lagi sumstaðar en fiskurinn mætti vera tökuglaðair segja veiðimenn. Lokatölur eru byrjaðar að detta inn frá veiðiánum þetta
„Veiðin gengur bara vel hjá okkur og núna hafa veiðst 173 laxar það sem af er,“ sagði Brynjar Þór Hreggviðsson við Norðurá í Borgarfirði, þegar við spurðum um stöðuna en 99
„Já þetta er allt að koma hérna við Norðurá í Borgarfirði en áin hefur gefið um 47 laxa og það er farið að rigna hérna núna, þetta er bara fínt,“ sagði
