30000 kr. – 70000 kr.
Þetta er spennandi svæði og hefur verið sérstaklega vinsælt hjá litlum hópum og fjölskyldum. Þarna er eingöngu veitt á flugu, í stórkostlegri náttúru, og vegna þess hve veiðistaðirnir eru fjölbreytilegir ætti svæðið að henta öllum sem heimsækja það. Grjótá er lítil og viðkvæm á sem rennur að hluta til í gljúfri og þar ber að varast að styggja laxinn. Gott veiðihús fylgir veiðileyfum.
Gott veiðihús er á svæðinu með fjórum tveggja manna svefnherbergjum. Gert er ráð fyrir því að veiðimenn sjái um sig sjálfir og komi með eigin mat. Gasgrill fylgir húsinu og fullbúið eldhús með uppþvottavél. Engin vöðlugeymsla er í húsinu.
Við komu er húsið hreint, uppbúin rúm og hrein handklæði. Veiðimenn þurfa ekki að þrífa húsið við brottför, sú þjónusta er innifalin í verðinu. Fólksbílafært er að húsinu. Veiðimenn mega koma í húsið einni klst. fyrir veiðitíma og ber að rýma það einni klst. eftir að veiðitíma lýkur.
Veitt er á 2 stangir í tveggja daga hollum frá hádegi til hádegis 19. júní til 7. júlí. Stangafjöldi hækkar í 4 stangir á tímabilinu 7. júlí til 1. september og fer aftur í 2 stangir frá 1. september og út tímabilið.
Öllum laxi yfir 69 sm skal sleppt. Neyðist menn til að drepa stórlax gengur hann til veiðihúss Hítarár I. Sömuleiðis, verði menn að drepa lax umfram leyfilegan kvóta, gengur sá fiskur til veiðihússins.
Ekið er út af þjóðveginum vestur á Snæfellsnes sunnan Hítarár og haldið upp eftir vegi 539. Ekið er yfir brúna á Grjótá og er húsið þá á hægri hönd.
Grettistilla ehf, Halli s: 845-4595
Frá og með 14. ágúst kl. 7:00–13.00 og 15:00– 21:00.
Marteinn Jónasson og synir hans Haraldur og Óliver voru við veiðar í tvo daga í Hítará II s.l. helgi. Flott vatn og þó nokkuð af fiski en erfitt var að
