59000 kr. – 110000 kr.
Laugardalsá er í Ísafjarðardjúpi og rennur til sjávar í vestanverðum Mjóafirði. Hún var fyrrum fisklaus, en árið 1969 var gerður fiskvegur og með tilkomu hans varð áin gríðarlega góð laxveiðiá. Hún er nú talin ein sú allra besta á Vestfjörðum með meðalveiði uppá nærri 300 laxa. Hún er nett laxveiðiá með magnaða veiðistaði og vatnshraðinn kjörinn fyrir fluguveiði. Aflinn er að megninu til 1 árs lax en einnig veiðist þar töluvert af 2ja ára laxi. Þónokkuð er af urriða í bæði vötnunum sem áin þræðir í gegnum og er því um að gera að egna fyrir hann líka. Áin hentar vel smærri hópum, sem vilja vera útaf fyrir sig. Stangirnar eru alltaf seldar saman, og eru einungis 2 stangir notaðar í upphafi og lok veiðitímabilsins. Veitt er í 2-3 daga í senn, frá hádegi – hádegis.
Við ána er notalegt veiðihús með 6 tveggja manna herbergjum. Gott eldhús er í húsinu með helstu þægindum ss. uppþvottavél, gasgrilli o.fl. Veiðimenn mega koma í húsið klukkustund áður en veiðitími hefst og ber að rýma það klukkustund eftir að veiðitíma lýkur. Þeir leggja sjálfir til mat, hreinlætisvörur, rúmföt og handklæði. Menn eru beðnir um að þrífa húsið vel og taka allt rusl með sér er þeir yfirgefa húsið. Reykingar eru ekki leyfðar inni í húsinu og vinsamlegast skiljið ekki eftir sígarettustubba fyrir utan húsið. Húsið stendur opið og eru veiðimenn beðnir að skilja það eftir opið við brottför.
Sleppiskylda er á laxi sem er stærri en 70cm
Veiðisvæðið spannar um 6 km, með um 20 merktum hyljum
Ísafjörður: um 118 km
Ísafjarðarflugvöllur
Stangaveiðifélag Reykjavíkur, [email protected] s: 568 6050
eftir 15. ágúst er seinni vaktin frá 15:00 – 21:00
„Byrjuðum kl 16 í dag í Laugardalsánni, er með fjölskylduna við veiðar, rok og kalt en undanfarna daga búið að vera fínasta veður til veiða. Fengum geysi fallegar og þykkar
„Annað árið í röð hélt fjölskyldan til veiða í Laugardalsá í Ísafjarðardjúpi. Átti nú að jafna metin frá í fyrra þegar laxinn var mikið að stríða okkur og duglegur við
