Reykjadalsá er ein af þverám Laxár í Aðaldal, liðast undurhæg niður Reykjadalinn og fellur í Vestmannsvatn. Úr Vestmannsvatni tengist hún svo Laxá um Eyvindarlækinn. Reykjadalsá er rómuð fyrir þurrfluguveiði en þar er einnig góð laxvon. Sú breyting er frá 2021 að Eyvindarlækur fylgir ekki með Reykjadalsá heldur er seldur sér. Árleg veiði hefur verið frá um 70 – 80 laxar og um 3000 urriðar.
Gott veiðihús fylgir seldum veiðileyfum, þar sem gistirými er fyrir 8 manns í 4 herbergjum. Hvert herbergi er með sér baðherbergi. Í húsinu eru öll helstu nauðsynjar t.d. grill, bakarofn, helluborð, kæliskápur með smá frystiplássi, kaffivél og flest öll nútíma eldhústæki. Við húsið er stór pallur og heitur pottur.
Veiðileyfi fást ekki endurgreidd. Kaupandi skuldbindur sig til að skrá alla veiði samviskusamlega í þar til gerða veiðibók.
Seldar eru stakar stangir í einn dag í senn frá hádegi til hádegis eða í hollum þar sem margar stangir eru seldar saman. Í apríl eru helgar seldar í hollum en annarsvegar heilir virkir dagar, frá morgni til kvölds, og þá fylgir gisting ekki með.
Veiðikort: Vestmannsvatn – Laugar Laugar – Ræsi Ræsi – Stafn
Akureyri: 51 km um Vaðlaheiðargöng, Húsavík: 44 km
Akureyrarflugvöllur: 51 km um Vaðlaheiðargöng
Mývatnssveit, Goðafoss, Húsavík
Frá og með 11. ágúst er seinni vaktin frá 15:00 – 21:00. Ennig bjóðum við hollum að hafa frjálsan veiðitíma, en þó ekki lengur en 12 klst á dag
Fyrsti laxinn er kominn á land í Reykjadalsá! Gilbert Jonsson landaði þessum fallega 78cm laxi úr Fosspolli. Veiðimenn misstu annan mjög stóran lax í Langhyl eftir þónokkra viðureign er laxinn
