Veiðin
Vikravatn er í Norðurárdalshreppi í Mýrarsýslu. Það er 0,8 km² og í 275 m hæð yfir sjó. Úr því rennur Skammá áleiðis til Langavatns. Um það bil tveggja tíma gangur er að því frá Selvatni sem er vestan Hreðavatns. Leiðin er öll talsvert á fótinn en er sú skásta sem völ er á. Nokkuð er af bleikju í vatninu. Annar stofn af bleikju, af Þingvallarstofni, og urriði var settur í vatnið og mun það hafa gefið góða raun. Mest af bleikjunni í Vikravatni er eins til tveggja punda fiskar en þó veiðast oft upp í þriggja punda bleikjur.
Kort og leiðarlýsingar
Erfitt aðgengi er að Vikravatni. Hægt er að ganga frá Selvatni upp með Kiðárgljúfrum í áttina að rústum Hreðavatnssels og þaðan sunnan Þórisengistjarnar og að Vikravatni. Gangan er að mestu á fótinn og tekur einn til tvo tíma. Annar möguleiki er að aka frá Svignaskarði í áttina að Langavatni. Leggja má bílnum þar sem vegurinn liggur hæst norðan við Staðarhnjúk og ganga norðaustur Beilárheiði. Sú ganga kann að vera lengri í kílómetrum talið en kosturinn er sá að þessi leið er ekki eins mikið á fótinn.
Þjónusta í nágrenninu
Fjarðlægð til bæja
Reykjavík: 160 km, Borgarnes: 45 km
Veiðileyfi og upplýsingar
Er í vinnslu, en ekki seld leyfi eins og er.
Borgarbyggð s: 433-7100
Daglegur veiðitími
24 klukkustundir
Staðsetning
Fréttir af veiði Vikravatn
Engin nýleg veiði er á Vikravatn!