Veiðitímabil
Leyfilegt agn
Kvóti
Leiðsögn
Aðgengi
Verðbil
9900 kr. – 9900 kr.
Veiðin
Hraunsfjarðarvatn er um 2,5 km² að stærð og 84 m djúpt, þar sem það er dýpst. Það er í um 207 m hæð yfir sjávarmáli. Þaðan rennur Vatná í Baulárvallavatn. Nýja vatnaleiðin á Snæfellsnesi gerir það að verkum að hægt er að aka nær alveg upp að vatninu á vegaslóða en síðasta spölinn þarf að fara fótgangandi (15 mín.) Slóði þessi er einungis fær fjórhjóladrifnum bílum. Hraunsfjarðarvatn er einungis með urriða sem gjarnan er vænn. Meðalþyngd fiska er 2-3 pund en algengt er að þar veiðist stærri fiskar, 5-6 pund, einkum í ljósaskiptunum. Fiskur getur legið djúpt og þá þarf að sökkva agninu. Spónn og maðkur gefa að jafnaði ágæta veiði. Í ljósaskiptunum ferðast urriðinn inn á grunnið við landið og er þá gott að nota flugu.
Gisting & aðstaða
Tjaldstæði
Hægt er að tjalda endurgjaldslaust við vatnið en þar er engin sérstök hreinlætisaðstaða.
Veiðireglur
Veiðimenn eru beðnir um að skilja ekki eftir sig rusl og ganga vel um. Korthafar þurfa að skrá sig í Vegamótum og sýna þarf bæði Veiðikortið og persónuskilríki. Börn yngri en 14 ára veiða frítt í fylgd með korthafa.
Stangarverðið sem gefið er upp hér á síðunni er fullt gjald fyrir Veiðikortið. Vissulega er sá möguleiki fyrir hendi að eignast það fyrir minni tilkostnað, t.d. í gegnum stéttarfélag.
Kort og leiðarlýsingar
Veiða má í öllu vatninu og er þar jafnan góð veiði allt sumarið, sér í lagi í ljósaskiptunum.
Þjónusta í nágrenninu
Fjarðlægð til bæja
Stykkishólmur: 24 km, Borgarnes: 78 km, Reykjavík: 153 km og Akureyri: 388 km
Áhugaverðir staðir
Kirkjufell: 34 km, Snæfellsjökull: 74 km og Arnarstapi: 68 km
Veiðileyfi og upplýsingar
Vatnið er hluti af Veiðikortinu
Daglegur veiðitími
12 klst. frá morgni til kvölds
Staðsetning
Fréttir af veiði Hraunsfjarðarvatn
Engin nýleg veiði er á Hraunsfjarðarvatn!