Staðfest hefur verið meira flakk laxa á milli veiðiáa en almennt hefur verið talið. Hér er um ræða rannsóknir í ám Six Rivers Iceland sem leigir og rekur laxveiðiár á Norðausturhorninu.
Merktir voru 404 laxar með slöngumerkjum. Hver á var með sinn lit á slöngumerkjum. Þessi merki gáfu sérlega áhugaverða niðurstöðu. Ef við skoðum fyrst endurveiðina þá voru merktir 178 laxar í Selá í Vopnafirði. 42 þeirra eða 25% endurveiddust og fjórum var landað þrisvar. Í Hofsá voru merktir 137 laxar og 30 eða 24% endurveiddust. Tveimur var svo landað í þriðja skiptið. Í Hafralónsá voru 42 fiskar merktir með slöngumerkjum og 8 þeirra, eða 18% veiddust aftur. Einum úr þessum hópi var svo landað í þriðja skipti.
Denni, eða Sveinn Björnsson að merkja og föndra með laxfiska síðasta sumar. Merkingar þeirra félaga í rannsóknarteymi Six Rivers Iceland hafa skilað áhugaverðum upplýsingum. Ljósmynd/SRI
mbl.is – Veiði · Read More