3000 kr. – 7000 kr.
Híðarvatn í Selvogi hefur um árabil verið eitt af gjöfulustu sjóbleikjuvötnum landsins. Mesta dýpi þess er um 5 metrar og að flatarmáli er það rúmir 3,3 km2. Afrennsli þess er um Vogsós en vatnið sprettur upp úr hrauninu um ótal uppsprettur. Hlíðarvatn er afar gjöfult veiðivatn og þar veiðast á sumri hverju bleikjur í þúsundatali. Þar er um að ræða staðbundinn fisk sem þykir afar ljúffengur og skemmtilegur við að eiga. Flestir eru fiskarnir 0,5-1 pund en á sumri hverju veiðast fáeinir 5 punda fiskar og jafnvel stærri. Auk sjóbleikunnar hefur stöku lax veiðst í vatninu.
Stangveiðifélag Hafnarfjarðar er með til umráðar 5 stangir í Hlíðarvatni og gott veiðihús. Í maí, júní og júlí eru seldar stakar stangir en í ágúst og september eru allar stangirnar seldar saman.
SVH er með gott veiðihús við vatnið. Í því er snyrting, 2 herbergi m/ 4 kojum, eldhús (með: gashellu, borðbúnaði og áhöldum), setustofa og gott úti-kolagrill. Veiðimenn þurfa að taka með sér rúmfatnað eða svefnpoka, borðtuskur og viskastykki. Veiðikort liggur frammi i veiðihúsi (sjá hér) og einnig má finna þar veiðibók.
Veiðimenn mega koma í húsið kl.18.00 daginn fyrir skráðan veiðidag, og skulu vera farnir fyrir kl. 18.00 á síðasta veiðidegi. Muna þarf að ræsta hús og taka með sér allt rusl. Lausaganga hunda við vatnið er stranglega bönnuð.
Veiða má í öllu vatninu
Þórlákshöfn: 26 km, Selfoss: 52 km, Hafnarfjörður: 40 km, Reykjavík: 57 km og Akureyri: 446 km
Félagar í SVH fá úthlutað, eftir það eru öll leyfi á www.leyfi.is
Frjáls, en miðast við sólarhring
Veiðin í Hlíðarvatni í Selvogi hefur verið upp og ofan í sumarbyrjun en María Petrína Ingólfsdóttir veiddi vel í vatninu í fyrradag. María var einkar lagin við veiðarnar og hefur fengist við
„Hlíðarvatn í Selvogi er skemmtilegt vatn og við sáum fiska vaka á nokkrum stöðum en ég hef veitt þarna einu sinni áður, en það var í september í fyrra,“ sagði Hilmar Þór
