Veiðitímabil
Leyfilegt agn
Fjöldi stanga
Kvóti
Gistimöguleikar
Leiðsögn
Aðgengi
Verðbil
Veiðin
Stóra-Laxá fellur um 90 km leið, frá Grænavatni niður á milli Hrunamanna- og Gnúpverjahrepps, í Hvítá hjá Iðu. Hún er dragá, all vatnsmikil með um 512 km2 vatnasvið. Stóra-Laxá er laxgeng langt inn í Laxárgljúfur og því er landslag meðfram henni bæði fjölbreytt og mikilfenglegt. Ánni er skipt í 4 veiðisvæði með alls 10 stöngum. Seldir eru stakir dagar í ána, frá hádegi til hádegis. Meðalveiði er um 1000 laxar en sumarið 2013 var metveiði þegar 1764 laxar komu á land.
Þetta er það svæði sem talið hefur af mörgum eitt fegursta laxveiðisvæði veraldar. Þarna má sjá djúp og há gljúfur með blátærri og seiðandi ánni sem brýst þar í gegn. Veiðin verður seint talin landburður en hver og einn lax sem kemur á land veitir alveg sérstaka ánægju. Aukabónusinn er sá að þarna eru margir “drekar” á sveimi.
Gisting & aðstaða
Veiðihús
Veiðihúsið er í landi Laxárdals. Þar er gistirými fyrir 9 í 5 svefnherbergjum. Í húsinu eru sængur og koddar en mönnum ber sjálfum að leggja til sængurföt. Við húsið er bæði gott gasgrill og heitur pottur. Einnig er aðgerðarborð og vatnsslanga. Veiðimönnum er heimilt að koma í hús klst. áður en veiði hefst og er skylt að skila húsinu hreinu klst. eftir að veiði þeirra lýkur.
Veiðireglur
Öllum laxi skal sleppt á svæði IV.
Kort og leiðarlýsingar
Beygt er af Suðurlandsvegi inn á Skeiðaveg (í átt að Flúðum). Þaðan er beygt inn á Þjórsárdalsveg eftir að farið er fram hjá Sandlæk. Stuttu eftir að ekið er fram hjá bensínstöðinni í Árnesi er beygt til vinstri inn á Gnúpverjaveg. Þaðan eru um 8 km að veiðihúsinu í Laxárdal. Beygt er af Gnúpverjavegi til vinstri inn á Mástunguveg. Sá vegur liggur beint inn að hlaði veiðihússins.
Veiðisvæðið nær frá Bláhyl upp að Ármótahyl við ár´mot Skillandsár, að báðum veiðistöðum meðtöldum.
Þjónusta í nágrenninu
Fjarðlægð til bæja
Flúðir: 20 km, Selfoss: 50 km, Reykjavík: 113 km og Akureyri: 482 km
Áhugaverðir staðir
Flúðir: Gamla Laugin Þjórsárdalur: Hjálparfoss, Háifoss, Þjóðveldisbærinn Stöng og Gjáin
Veiðileyfi og upplýsingar
Ólöf s. 823-2880, [email protected]
Fréttir af veiði Stóra-Laxá IV
Engin nýleg veiði er á Stóra-Laxá IV!