Fögruhlíðarós er ákaflega skemmtilegt sjóbleikjusvæði og þarna myndast oft sérstök stemmning þegar veitt er að nóttu til. Þarna veiðist eitthvað af sjóbirtingi og einnig hefur lax látið á sér kræla undanfarið. Töluverð urriðaveiði getur einnig verið ofar í Fögruhlíðará og upp að Réttarhyl. Kjörið svæði fyrir smærri hópa sem vilja góða sjóbleikjuveiði og að eiga jafnframt von á urriða, sjóbirtingi og laxi. Margir hafa upplifað ógleymanlegar stundir við Fögruhlíðarós.
Veiðimenn geta skoðað með gistingu í Veiðihúsinu Hálsakoti í Jökulsárhlíð, með eða án fæðis, ef herbergi eru þar laus
Engin skyldugisting er fyrir þetta svæði en tilvalið er að gista ofar í Jökulsárhlíð í íbúðarhúsinu að Breiðumörk. Þar er aðstaða fyrir 4-6 menn í þrem uppbúnum tveggja manna herbergjum. Þar er líka þurrkherbergi, stór stofa með sjónvarpi og eitt baðherbergi. Frítt Wifi-internet er á staðnum.
Um er að ræða júní daga í ósnum sem eru seldir á 20.000 – 30.000 kr en þegar komið er fram í júlí kemur Jökla inn í veiðina.
Ekki er kvóti á á silung, en skylt að sleppa sjóbleikju yfir 45 cm. Kvóti er 1 lax á stöng á dag og er skylt að sleppa öllum löxum 70 cm eða stærri.
Veiðisvæði: Fögruhlíðarós og Fögruhlíðará að og með Réttarhyl.
Egilsstaðir: 64 km, Vopnafjörður: um 34 km, Akureyri: um 265 um Vaðlaheiðargöng, Reykjavík: 643 km um Akureyri
Egilsstaðaflugvöllur: 62 km
Veiðiþjónustan Strengir s: 660-6890, [email protected], www.strengir.com
Þarna er 12 tíma sveigjanlegur veiðitími
Áður en norðanhretið brast á fór Sigurður Staples, (Suddi) og fleirri í Fögruhlíðarósinn til að athuga hvort sjóbleikjan væri mætt. Og hún var það, það komu 35 bleikjur og 2
