Órjúfanlegur hluti af laxveiðisumrinu eru vikulegar tölur sem Landssamband veiðifélaga birtir. Þetta er önnur vikan sem tölur birtast á angling.is og virðast gefa til kynna svipaða stöðu og í fyrra. Blæbrigða munur er þó á en þar getur margt spilað inn í.
Þegar svo stutt er liðið á veiðitímann segja þær ekki mikið. Þó má sjá að Urriðafoss er með ívið betri veiði. Rétt er að taka fram að þessar tölur miðast við lok veiðidags þann 11. júní. Síðastliðinn miðvikudag. Samanburðartölurnar hins vegar miðast við 12. júní í fyrra. Það munar um dag á þessum fyrstu tölum. Norðurá er aðeins slakari og þar datt veiðin niður fljótlega eftir opnun. Nú horfir til betri vegar. Góð opnun í Þverá sést í tölunum.
Lax háfaður í veiðistaðnum Huldu í Urriðafossi í gær. Hópurinn sem var við veiðar fékk samtals 15 laxa og er svæðið að detta í 200 fiska sem er mjög góð byrjun í fossinum. Ljósmynd/Stefán Sigurðsson
mbl.is – Veiði · Lesa meira