Landssamband veiðifélaga hefur auglýst eftir framkvæmdastjóra. Gunnar Örn Petersen hefur gengt því starfi síðastliðin fjögur ár og lætur af störfum í haust.
Aðspurður segir Gunnar að kominn sé tími fyrir nýjar áskoranir hjá sér eftir fjögur góð ár hjá Landssambandinu. Hann segist þó ekki farinn enda muni hann vera í starfi fram á haust. „Síðustu ár hafi verið mjög viðburðarrík í starfi sem er bæði fjölbreytt, krefjandi og skemmtilegt. Það sem þó stendur upp úr sé gott samstarf og góð kynni við félagsmenn, stjórn Landssambandsins og fólk úr fjölmörgum náttúruverndarsamtökum og fjölmiðlum. „Ég hef eignast marga nýja vini á þessum árum enda snýst starfið fyrst og fremst um samtal og samskipti við félagsmenn, stjórnvöld og alla þá sem láta sig verndun laxastofna varða,“ sagði Gunnar Örn Petersen í samtali við Sporðaköst.
Gunnar Örn Petersen, framkvæmdastjóri LV fer á vit nýrra ævintýra í haust. Hér er hann með stórlax úr Hvannamýri í Ormarsá. Ljósmynd/Sveinn Blöndal
mbl.is – Veiði · Lesa meira