Miðfjarðará og Kjós núlluðu – Kjarrá 5

Öðru­vísi mér áður brá. Veiðimenn sem opnuðu Miðfjarðará og Laxá í Kjós lönduðu eng­um laxi í morg­un. Sett var í nokkra laxa í báðum ám en eng­inn kom á land. Í Kjar­rá lönduðu veiðimenn fimm löx­um og misstu fjóra.

Í Kjar­rá vissu menn að fyrsta vor­gang­an var kom­in upp eft­ir. Það stóð líka heima að þar setti meist­ari Tóti tönn í þann fyrsta nán­ast í fyrsta kasti í Rétt­ar­hyl. Reynd­ist vera 80 sentí­metra hrygna. Þessi 87 ára höfðingi gaf þar með tón­inn. Þá veidd­ust fjór­ir aðrir lax­ar og voru þeir all­ir áþekk­ir að stærð og sá sem Tóti fékk. Fjór­ir lax­ar misst­ust og heilt yfir voru menn sátt­ir með þessa fyrstu vakt. Veitt er á sjö stang­ir í Kjar­rá og stend­ur opn­un þar í þrjá og hálf­an dag. Ingólf­ur Ásgeirs­son leigutaki seg­ir að það sé gert svo all­ar stang­ir nái öll­um svæðum tvisvar. „Vatnið núna í Kjar­rá er eins og gott júlí vatn, segja þeir sem best þekkja til.“

Birgir Örn Brynjólfsson með lax sem hann fékk í morgun í Kjarrá á Gilsbakkaeyrum. Fimm komu á land þar á opnunarvakt. Ljósmynd/Ingólfur Ásgeirsson

mbl.is – Veiði · Lesa meira