Svona til að klára að veiða staðinn þá lengdi Ásgeir aðeins. Þá tók fiskur. Birgir sá þetta og leit á Ásgeir. „Nú. Var hann þarna?“
Ásgeir fann fljótlega að þetta var ekki smálax og sagði við bróðir sinn. „Ef þetta er sex pundari þá er þungt í honum pundið.“ Hann hafði varla sleppt orðinu þegar fiskurinn tók á rás og endaði með stökki. Ásgeir segir hann hafa farið heljarstökk og endað með því að skella sporðinum upp í strauminn. „Hann stökk sex sinnum og alltaf með þessum sama hætti,“ upplýsti Ásgeir.
Draumur sem rættist. Ásgeir með 105 sentímetra hænginn. Ljósmynd/Birgir Steingrímsson
mbl.is – Veiði · Lesa meira