Veiðin
Berufjarðarvatn er frekar lítið, eða 0,15 km² að flatarmáli, fremur aðgrunnt vestan megin en meira dýpi er að austan. Vatnið er 49 m yfir sjávarmáli og er mesta dýpi rúmlega 2 m. Alifiskalækur fellur í vatnið en Kinnastaðaá fellur úr því til Þorskafjarðar. Það er mikið af fiski í vatninu sem oftast vegur 1 – 3 pund. Mest er af urriða en einnig veiðist þar bleikja. Stærsti fiskur, sem veiðst hefur í Berufjarðarvatni á stöng, vóg um 10 pund. Menn láta yfirleitt vel af veiðinni, enda tekur silungurinn grimmt, og fer yfirleitt enginn fisklaus heim eftir ferð í vatnið. Góð veiði er allt tímabilið en þó best fyrripart sumars. Og eins og víða annarsstaðar, þá gefa morgnar og kvöld bestu veiðina.
Gisting & aðstaða
Veiðireglur
Korthafar Veiðikortsins þurfa að skrá sig hjá veiðiverði á Hótel Bjarkalundi, þar sem kortanúmer og kennitala eru skráð. Veiðimenn eru beðnir um að skilja ekki eftir sig neinar leifar eða ummerki. Stranglega er bannað að aka utan vega. Börn yngri en 14 ára veiða frítt í fylgd með korthafa.
Kort og leiðarlýsingar
Veiði er heimil í öllu vatninu. Bestu veiðistaðirnir eru á austurbakkanum sem liggur næst veginum.
Þjónusta í nágrenninu
Fjarðlægð til bæja
Reykhólar: 15 km, Hólmavík: 44 km, Ísafjörður: 225 km, Reykjavík: 215 km og Akureyri: 333 km
Veiðileyfi og upplýsingar
Vatnið er hluti af Veiðikortinu
Tengiliður á staðnum: Hótel Bjarkalundur s: 562-1900
Daglegur veiðitími
Leyfilegt er að veiða frá kl: 7:00 til kl: 23:00.
Staðsetning
Fréttir af veiði Berufjarðarvatn
Engin nýleg veiði er á Berufjarðarvatn!