30000 kr. – 90000 kr.
Fáskrúð í Dölum er fjölbreytt, skemmtileg og krefjandi laxveiðiá. Hún skilur að Laxárdalshrepp og Hvammssveit og liðast ein um 20 km leið til sjávar. Svæðið nær frá Katlafossi niður að sjó en þar er að finna veiðistaðina Neðri- og Efri Brúarstrengi og sjást þeir vel þegar ekið er yfir þjóðvegsbrúna við ós árinnar. Afar fjölbreyttir veiðistaðir eru í ánni og skiptast á fallegar breiður og stríðari strengir. Meðalveiði í ánni árin 2008-2017 var 287 laxar.
Veiðihúsið við ána er í landi Ljárskóga. Þar er aðbúnaður allur hin besti og gistiaðstaða fyrir allt að 6 einstaklinga. Veiðileyfinu fylgir uppábúið rúm og þrif eftir hvert holl. Veiðimenn skulu ganga vel um veiðihúsið og ef húsið er óeðlilega óhreint eftir þeirra dvöl bera þeir kostnað af þrifum. Menn mega koma í hús 1 klst. fyrir veiðitíma en á brottfarardag skulu þeir rýma húsið klst. eftir að veiðitíma líkur. Ef upp koma vandamál hafið samband við umsjónarmenn svæðisins. Reykingar eru bannaðar í húsinu.
Rúmlega þriðjung veiðisumarsins er veitt á 3 stangir í Fáskrúð annars á 2 stangir. Skylt er að sleppa laxi yfir 69 cm lengd.
Þjóðvegur (1) í gegnum Borgarnes. Ekinn er Vestfjarðarvegur (60) yfir Bröttubrekku í gegnum Búðardal. Stuttu síðar er komið að afleggjaranum að Fáskrúð á hægri hönd, merkt Ljárskógar.
Veiðisvæðið er um 12-14 km langt og hefur 36 merkta veiðistaði. Það nær frá Katlafossi niður að þjóðvegsbrú
Búðardalur: um 12 km / Reykjavík:151 km
Reykjavíkurflugvöllur: 156 km
Umsjónarmaður: Arnór Björnsson, [email protected]
Eftir 14. ágúst er seinni vaktin frá kl. 15-21
Það er aðeins farið að hausta en veiðimenn eru ennþá á fullu, fiskurinn er fyrir hendi en hann er víða orðinn tregur. Spáin næstu daga er ágæt og um að
