Fljótaá er i Holtshreppi i Fljótum um 24 km frá Siglufirði. Hún kemur úr Stífluvatni og er nálægt 8 km að lengd. Vatnakerfið samanstendur af Miklavatni, Fljótaá og hliðaránum Reykja- og Brúnastaðará. Fljótaá er laxveiðiá en hún er einnig þekkt fyrir mikla bleikjuveiði, bæði af staðbundinni og sjógenginni bleikju. Seldir eru tveir – þrír dagar í senn frá hádegi til hádegis. Meðalveiði í ánni er um 160 laxar og 2000 bleikjur.
Veiðihúsið Bergland er sjálfsmennskuhús en þó með uppábúnum rúmum og er þrifið eftir hvert holl. Húsið er ekki ætlað til afnota fyrir aðskilda hópa eða einstaklinga þar sem það hefur misstór herbergi, eitt salerni (m. sturtu) og sameiginlegt eldhús og setustofu. Aðskildir hópar geta þó vel unað sér þar ef sátt ríkir um þetta. Herbergin eru eftirfarandi:
• 1 rúmt tveggja manna herbergi með pláss fyrir auka svefnbedda
• 2 lítil tveggja manna herbergi
• 1 tveggja manna herbergi með auka koju
• 1 eins manns herbergi með queen size rúmi
Veiðisvæði árinnar er um 5 km langt með 65 merktum veiðistöðum
Siglufjörður: um 30 km / Akureyri: 92 km
Akureyrarflugvöllur: 94 km
Uppl: Vigfús Orrason s: 898-4229
frá 15. ágúst er seinni vaktin 15:00-21:00
Eftir erfitt vor og kalda sumarbyrjun er Fljótaá farin að gefa ágæta veiði. Framan af var kalt og svo fylgdu gríðarlegar leysingar. En nú horfa hlutir til betri vegar. Vigfús
