Flókadalsá, sem oft er kölluð Flóka, hefur einkenni bæði dragáa og lindáa. Hún á upptök í vestanverðu Oki, og fellur þaðan, 35 km leið til Hvítár í Borgarfirði, rétt ofan við Svarthöfða. Eftir talsverða fiskvegagerð er hún orðin laxgeng langleiðina til upptaka sinna og þveráin Engjadalsá að hluta. Fáar ár á landinu skarta jafn stöðugu vatnsrennsli og minni sveiflum í veiði og Flókan. Því er meðalveiði hátt miðað við stangarfjölda og árin 2008 til 2010 skilaði hún veiði yfir 700 laxa. Sumarið 2013 var svo metveiði þegar 937 laxar komu á land. Veiðileyfi eru mjög eftirsótt og fá oftast færri en vilja.
Sumarið 2002 var tekið í notkun nýtt veiðihús við ána. Stendur það í Varmalækjarlandi nokkuð ofan við þjóðveg nr. 50. Ekið er inn Flókadalsveg nr. 515 og um það bil 500 metra akstur er beygt til vinstri í átt að veiðihúsinu. Þar er hin besta aðstaða fyrir veiðimenn, gistirými er í fjórum þriggja manna herbergjum.
Veiðisvæðið er Flókadalsá öll og hluti af Engjadalsá, allt frá Svarthöfða og að Lambafossi. Samtals um 16 km
Borgarnes: 37 km, Akranes: 67 km, Reykjavík: 104 km og Akureyri: 356 km
Deildartunguhver & Krauma: 16 km, Hraunfossar og Barnafoss: 37 km, Húsafell: 44 km og Víðgelmir: 47 km
Sigurður Jakobsson, Varmalæk s: 435-1442 & 862-2822. Eftirspurn er mikil og fasta kúnnar ganga ávallt fyrir
Frá 15. ágúst er veitt frá 15:00 – 21:00 á seinni vaktinni
Katla Madeleine með sínn maríulax Það var mikill spenningur hjá þeim systkinum Allan Sebastian 8 ára og Kötlu Madeleine 6 ára að fá loksins að fara í laxveiði með pabba
