Grímsá í Lundarreykjadal er vel þekkt og telst til bestu laxveiðiáa landsins. Grímsá rennur úr Reyðarvatni, inn af Lundarreykjadal. Í það falla smáár og lækir, að nokkru leyti uppsprettuvatn, sem gefa Grímsá nokkurn lindarársvip. Tunguá (hliðará Grímsár) rennur í Grímsá við Veiðistað 600. Oddastaðafljót. Samanlagt vatnasvið ánna er 313 km2. Fyrst er vitað um stangaveiði í Grímsá árið 1862 og voru þar enskir menn á ferð. Eftir það nýttu Englendingar neðri hluta árinnar að mestu leiti allt fram á fyrri heimstyrjöld og einnig að nokkru leiti á millistríðsárunum. Frá seinna stríði og fram yfir 1970 nýttu landeigendur sjálfir veiðina eða leigðu hana ýmsum innlendum aðilum. Árið 1971 var stofnað veiðifélag um báðar árnar og vatnasvæðið síðan leigt.
Veiddi maríulaxinn í opnun Grímsár – 8 laxar fyrsta daginn
„Þetta var bara vel gert hjá honum að veiða maríulaxinn sinn en hann hafði misst tvo í Laxfossi um morguninn en gafst ekki upp,“ segir Jón Þór Júlíusson um veiðimanninn unga Mána