Heiðarvatn er um 1.9 km² að flatarmáli og liggur í um 70 metrum yfir sjávarmáli. Dýpst hefur það mælst um 30 metrar, en meðaldýpið er hinsvegar um 13 metrar. Þetta vatn hefur um árabil verið eitt af vinsælustu og þekktustu vötnum landsins þar sem hægt er að veiða næstum allar gerðir íslenskra ferskvatnsfiska, þ.e. sjóbirting, urriða, vatnableikju og stöku lax. Mikið af fiskinum í Heiðarvatni er smábleikja, en sjóbirtingurinn getur hinsvegar orðið allt að 13~14 pund. Því er ráðlegt er að hafa sterka tauma ef egnt er fyrir sjóbirting og urriða, svo ekki sé talað um laxinn sem hefur slitið ófáar silungalínurnar. Úr Heiðarvatni rennur Vatnsá í Kerlingardalsá.
Veisla í Heiðarvatni og flottir fiskar
september 17, 2022
Engar athugasemdir
„Það var fín veiði í síðasta holli í Heiðarvatni og þeir fengu 25 sjóbirtinga frá 45 til 86 sentimetra, flott veiði,“ sagði Ásgeir Arnar Ásmundsson þegar við spurðum um Heiðarvatn
