Hverfisvötn

Hverfisvötn eru í Fljótshverfi og eru á vatnasvæði sem samanstendur af ánum Laxá, Brúará og vatnamótunum við Djúpá. Laxá og Brúará eru dragár sem eiga upptök sín í um 500 – 600 m hæð á Kálfafellsheiði. Þær sameinast skammt fyrir neðan þjóðveginn og renna þar í sameiginlegum farvegi í jökulána Djúpá. Ekki er veitt í Djúpá, nema í skilunum þar sem dragárnar mæta jökulvatninu. Laxá og Bæjará eru báðar frekar stuttar, eða samtals um 4 km. Þær renna báðar í gljúfrum, sem þó auðvelt er að komast niður í. Báðar árnar eru fiskgengar upp að fossum sem eru í gljúfrunum. Bestu veiðistaðina á svæðinu má finna við varnargarðinn, bæði í skilunum við Djúpá og svo við garðinn ofanverðan. Einnig eru margir álitlegir staðir í gljúfrinu í Brúará, en þar ber að fara varlega þar sem áin er tær og viðkvæm og fiskurinn styggist auðveldlega. Sjóbirtingurinn er vænn, oft um 6 pund og sögur fara af fiskum sem eiga að hafa verð rúmlega 20 pund.