Veiðin
Kelduvíkurvatn er skráð í eigu Þangskála, en eins og með mörg önnur vötn á þessu svæði eru það bændur á Hrauni sem sjá um sölu veiðileyfa. Vatnið er 0,3 km² að flatarmáli og örstutt er í það frá þjóðveginum. Í vatninu er bleikja sem er 1-2 pund að stærð, en einnig urriði sem er allvænn. Heyrst hafa sögur um urriða frá 3-6 pundum. Vatnið skiptist til helminga frá læknum sem er fyrir því miðju. Nyrðri hlutinn er fyrir landi Hrauns. Verð veiðileyfa er tiltölulega hátt þar sem einungis er selt í hálft vatn í senn og borga þarf tvöfalt ef veiða á í öllu vatninu. Reynst hefur vel að fara ekki langt út í og kasta með bakkanum. Þar er malarkantur og virðist fiskurinn frekar vilja dóla þar en úti í vatninu.
Gisting & aðstaða
Veiðihús
Hægt er að panta gistingu í litlu veiðihúsi sem er í Skammagili sem er á milli Kolluvatns og Kelduvíkurvatns. Í því eru kojur fyrir 5 manns, borðbúnaður og eldhúsáhöld, gashellur til að elda á og einnig gasgrill.
Gisting kostar 7000 kr. á mann og fylgir veiðileyfi með kaupunum.
Kort og leiðarlýsingar
Veiða má í öllu vatninu
Þjónusta í nágrenninu
Fjarðlægð til bæja
Blönduós: 66 km, Sauðárkrókur: 55 km, Akureyri: 170 km og Reykjavík: 304 km
Áhugaverðir staðir
Ketubjörg: 10 km
Veiðileyfi og upplýsingar
Þórunn Lindberg, Hraun 3 s: 868-9196 og 453-6696
Daglegur veiðitími
24 klukkustundir
Hann er sveigjanlegur, en miðast við sólarhring
Staðsetning
Vinsælar flugur
Fréttir af veiði Kelduvíkurvatn
Engin nýleg veiði er á Kelduvíkurvatn!