Kleifarvatn er eitt af stærstu vötnum landsins, um 8 km² að stærð, og er 136 m yfir sjávarmáli. Mesta dýpi í vatninu er um 90 m á móts við Syðri Stapa. Meðaldýpi í vatninu er um 29 m. Stangaveiðifélag Hafnarfjarðar fer fyrir veiðiréttinum í vatninu en í því er bæði bleikja og urriði og er það þekkt fyrir stórfiska. Mælingar sýna að mikið er af fiski í vatninu og einnig hafa kafarar séð mikið af vænum fiski þar. Stangaveiðifélag Hafnarfjarðar hefur hafið ræktunarátak í vatninu og hefur undanfarin ár sleppt ársgömlum urriðaseiðum í vatnið. Slóðar í kringum vatnið hafa verið lagfærðir.
Handhöfum Veiðikortsins ber að vera með kortið og skilríki á sér og tilbúnir að sýna það veiðiverði þegar hann vitjar veiðimanna. Það er stranglega bannað að skilja eftir sig rusl og aka utan vega. Börn yngri en 14 ára veiða frítt í fylgd með korthafa. Óskað er eftir að því að menn sendi upplýsingar um afla með tölvupósti á netfangið [email protected] eða á [email protected] Bátaumferð á vatninu er bönnuð. Veiðimenn eru beðnir að gæta hófs og sleppa helst stórum fiskum.
Leyfilegt er að veiða í öllu vatninu
Grindavík: 34 km, Reykjavík: 33 km, Reykjanesbær: 51 km og Akureyri: 410 km
Keflavíkurflugvöllur: 54 km
Stangaveiðifélag Hafnafjarðar s: 565-4020, [email protected]
Kleifarvatn er einnig hluti af Veiðikortinu
Frjálst milli 7:00 – 24:00
Veiðin er byrjuð fyrir þó nokkru í Keifarvatni og eitthvað hefur veiðst af fiski. Allt hefur leikið á reiðiskjálfi á Reykjanesi síðustu daga og það fékk veiðimaður sem var við
