Veiðin
Langavatn er í vatnaklasa Út-Fella og tiheyrir jörðunum Hafrafelli, Krossi og Stafafelli. Það er aðeins í 10 km fjarlægð frá Egilsstöðum. Vatnið er í 90 m hæð yfir sjó og talið vera um 0.57 km² að flatarmáli. Mesta dypi þess er 15 m. Aðrennsli er frá Reyðarvatni og Leirtjörn og frá Langavatni rennur lækur til Urriðavatns. Bæði urriði og bleikja er í vatninu. Á sínum tíma var mikil netaveiði stunduð í vatninu og þegar henni var hætt hrakaði veiðinni í vatninu svo um munaði. Var þá farið að sleppa urriðaseiðum sem veidd voru í gildrur í lækjum í nágrenni vatnsins. Það virðist hafa skilað góðum árangri. Allnokkur stangveiði hefur verið stunduð í Langavatni og þá helst með spóni og maðki. Mesta veiðin er fyrripart sumars og svo aftur seinnipartinn. Algeng stærð á stangveiddum fiski er eitt til tvö pund en fengist hafa upp í fjögurra punda fiskar í Langavatni. Ágætur vegur er að vatninu og beygt inn á hann skömmu áður en komið er að Staffelli.
Gisting & aðstaða
Veiðireglur
Veiðimenn skulu gera grein fyrir sér með því að hringja eða senda skilaboð til veiðivarðar. Einnig skal láta hann vita af aflabrögðum að veiði lokinni. Hundar eru leyfðir en passa skal að hafa þá innan sjónmáls. Nota má kajak og bellý-báta en ekki stærri báta.
Kort og leiðarlýsingar
Svæðið sem heimilt er að veiða á er vesturbakki í landi Staffells og skulu veiðimenn virða mörkin
Þjónusta í nágrenninu
Fjarðlægð til bæja
Egilsstaðir: um 10 km og Reykjavík um 630 km
Veiðileyfi og upplýsingar
Daglegur veiðitími
Veitt er frá morgni til kvölds, mest 12 klst daglega
Staðsetning
Fréttir af veiði Langavatn í Fellum
Engin nýleg veiði er á Langavatn í Fellum!