Laxárvatn er í Austur-Húnavatnssýslu, ekki langt frá Blönduósi. Það er miðlunarlón fyrir Laxárvirkjun, er að meðaltali í um 87 m hæð yfir sjó og mælt flatarmál er 2.97 km². Það er frekar grunnt, en mesta dýpi er 4.5 m. Mikill fiskur er í Laxárvatni, helst urriði á bilinu hálft til tvö pund. Úr vatninu rennur Laxá á Ásum, ein þekktasta laxveiðiá landsins og á lax því greiðan aðgang upp í vatnið. Veiðast þar því nokkrir laxar á hverju sumri. Þetta er spennandi fjölskyldukostur.
Svæðið sem heimilt er að veiða á er vesturbakkinn á milli landamerkja Sauðaness og Köldukinnar að norðan og milli Sauðaness og Mánafossa að sunnan. Fram í miðjan júní er mælt með því að veiðimenn leggi bílum sínum upp við girðingu og labbi niður að vatni vegna lausra hrossa á svæðinu. Þeir eiga það til að fara illa með bíla.
Blönduós: 6 km og Reykjavík: um 250 km.
„Já við erum alltaf að reyna að veiða hérna fyrir norðan, við fengum 4 fiska í Laxárvatni,“ sagði Bergþór Pálsson þegar við heyrðum í honum, nýkomunum úr rólegum veiðitúr með hressum
