Veiðin
Ljósavatn er 3,2 km² að flatarmáli, dýpst 35 m og er í 105 m hæð yfir sjó. Aðrennsli er frá Geitá, Litlutjarnarlæk og Kambsá og frárennslið er Djúpá, sem fellur til Skjálfandafljóts. Mest er af bleikju, ½-1 pund, og einhver urriði sem getur orðið nokkuð stór. Nokkur netaveiði er í vatninu og mætti vera meiri. Þjóðvegur nr. 1 liggur meðfram vatninu í Ljósavatnsskarði og hægt er að aka í kringum það. Vatnið er mjög vinsælt meðal veiðimanna og mjög hentugt fyrir fjölskyldur. Jafnan veiðist best á vorin, frá maí og fram í miðjan júlí. Góðir veiðistaðir eru austan megin við vatnið, við ósa lækja og þar sem Kambsá fellur í það. Einhver dorgveiði er einnig stunduð á Ljósavatni og fást þá ágætir urriðar.
Gisting & aðstaða
Hótel
Hótel Edda, Stórutjörnum s: 444-4000.
Veiðireglur
Korthöfum er skylt að skrá sig hjá landeiganda og fá afhenta veiðiskýrslu sem þarf að skila við lok veiði. Veiðimenn og útivistarfólk er vinsamlegast beðið að ganga vel um svæðið. Óheimilt er að aka utan vega. Börn yngri en 14 ára veiða frítt í fylgd korthafa.
Kort og leiðarlýsingar
Veiðikortið: Heimilt er að veiða í öllu vatninu að undanskyldu landi Vatnsenda sem er frá Geitá að Dauðatanga. Helgi á Vatsenda selur veiðileyfi sér fyrir sínu landi
Þjónusta í nágrenninu
Fjarðlægð til bæja
Akureyri: 28 km, Húsavík 28 km og Reykjavík 415 km.
Veitingastaðir
Fosshóll: 7 km, Lundsvöllur: 20 km og Dalakofinn: 19 km.
Áhugaverðir staðir
Goðafoss: um 7 km, Aldeyjarfoss: 46 km, Daladýrð: 25 km og Mývatnssveit: 50 – 60 km.
Nestisstaðir
Vaglaskógur: 20 km.
Veiðileyfi og upplýsingar
Ljósavatn er hluti af Veiðikortinu en einnig eru seld dagsleyfi.
Sigurður Birgisson, Krossi s: 894-9574 & 868-1975. Helgi Ingason, Vatnsenda s: 692-8125 & 464-3249.
Daglegur veiðitími
Hann er frjáls en skal vera innan 12 tíma rammans
Staðsetning
Fréttir af veiði Ljósavatn
Engin nýleg veiði er á Ljósavatn!