Veiðitímabil
Leyfilegt agn
Fjöldi stanga
Kvóti
Leiðsögn
Aðgengi
Verðbil
30000 kr. – 30000 kr.
Veiðin
Lónsá er lítil veiðiperla í landi Ytra Lóns á Langanesi, stutt frá Þórshöfn. Lónsá hefur í gegnum tíðina verið þekkt fyrir góða sjóbleikjuveiði en bæði sjóbirtingur og staðbundin urriði hefur aukist mikið síðustu ár. Á fyrri helmingi tímabilsins, í apríl og maí, er aðallega veiði á ósasvæðinu og í Sauðaneslóni. Í maí og júni getur verið hreint ævintýraleg veiði á bleikju og sjóbirtingi sem lónir á ósasvæðinu í æti. Stærstu bleikjurnar byrja að ganga upp ánna í byrjun júní en frá miðjum júní og út júlí er alla jafna besti tíminn í ánni til að veiða bleikju. Eftir miðjan júlí fer urriðaveiði einnig að aukast. Á haustin má merkja smáar sjóbirtings- og laxgöngur en haustveiðin hefur í raun og veru ekki verið nógu vel rannsökuð fram að þessu.
Gisting & aðstaða
Veiðireglur
Eingöngu er veitt á flugu í Lónsá og Sauðanesós en leyfilegt er að veiða á spún og maðk í Ytra Lóni.
Kvóti í Lónsá og Sauðanesós er 5 fiskar á dag undir 45cm á hverja stöng. Í Ytra Lóni er hins vegar enginn kvóti á fiski undir 45 cm. Sleppa skal öllum fiski yfir 45cm undantekningarlaust, líka í Ytra Lóni, og ef stór fiskur drepst að lokinni viðureign ber að tilkynna leigutaka eða veiðiverði strax áður en haldið er áfram að veiða.
Veiðimönnum ber að fara sérstaklega varlega við bakkana frá 20. maí til 20. júní vegna æðarvarps. Náttúran er einstök á Langanesi og er mikið fuglalíf við ána og lónin. Þar ber mest á kríum, æðarfugli og ýmsum andategundum, ásamt gæsum og rjúpu. Yfir þessu veisluborði vakir fálkinn og stundum sést brandugla á kvöldin.
Skilmálar: Veiðileyfi fást ekki endurgreidd. Kaupandi skuldbindur sig til að skrá alla veiði samviskusamlega í þar til gerða veiðibók
Kort og leiðarlýsingar
Veiðisvæðið er Lónsá öll vel upp á heiði, Sauðanesós og Ytra Lón. Einnig má veiða í Þverá og Hólslæk sem renna í Lónsá
Það liggur vegur upp með ánni að túninu við Grund en þaðan þarf að ferðast á tveimur jafnfljótum.
Þjónusta í nágrenninu
Fjarðlægð til bæja
Þórshöfn: 14 km, Húsavík: um 170 km, Egilsstaðir: 211 km, Akureyri: 245 um Vaðlaheiðargöng, Reykjavík: 634 km um Vaðlaheiðargöng
Nærliggjandi flugvellir
Eglilsstaðaflugvöllur: 210 km, Akureyrarflugvöllur: 245 km um Vaðlaheiðargöng
Áhugaverðir staðir
Mikið fuglalíf er á Langanesi og er verðugt að gera sér ferð að Skoruvíkarbjargi og berja súlubyggðina á Stórakarli augum. Einnig gera sumir sér ferð að Fonti, sem er örmjór bjargtangi austast á Langanesi. Þangað er einungis fært 4×4 bílum.
Veiðileyfi og upplýsingar
s: 449-9905, [email protected]
Veiðiverðir: Sverrir Möller og Mirjam Blekkenhorst s: 468-1242 & 846-6448
Daglegur veiðitími
Veiðitími er 12 klst á sólahring, á milli 07:00 og 24:00 í samráði við veiðivörð
Staðsetning
Vinsælar flugur
Fréttir af veiði Lónsá á Langanesi
Engin nýleg veiði er á Lónsá á Langanesi!