Veiðin
Múlaá fellur úr Skriðuvatni í Suðurdal, inn af Skriðdalnum, og nefnist Grímsá eftir að hún og Geitdalsáin sameinast utan við Þingmúla. Í ánni er fallegur urriði, en í vatninu er hvor tveggja urriði og bleikja.
Vatnasvæðið, sem um ræðir, er Skriðuvatn að austanverðu í landi Vatnsskóga. Það er svæðið þar sem Skriðuvatn fellur í Múlaá og öll strandlengja vatnsins að austan, allt að Öxará. Einnig er veiðiréttur í austanverðri Múlaá, frá upptökum árinnar, og 250 metra niður ána allt að merktum landamerkjastólpa. Heimilt er að veiða í Öxará að austanverðu þar sem áin fellur í Skriðuvatn og upp eftir ánni. Ákjósanlegt er að stunda veiðar með flugu í lóni sem fellur úr vatninu og í Múlaá. Svæðið er hluti af Veiðikortinu.
Gisting & aðstaða
Tjaldstæði
Veiðikortshafi hefur heimild til að tjalda endurgjaldslaust í landi Vatnsskóga, gangi hann snyrtilega um land og gróður. Þar er þó hvorki að finna skipulagt tjaldstæði né hreinlætisaðstöðu.
Veiðireglur
Stangveiði er eingöngu heimil frá bökkum og er öll netaveiði bönnuð. Handhafar Veiðikortsins geta farið beint til veiða, en verða að hafa Veiðikortið við höndina til að sýna veiðiverði, þegar hann vitjar veiðimanna. Eitt barn undir fermingu veiðir frítt – greiði fullorðinn veiðileyfi eða sýni Veiðikortið.
Kort og leiðarlýsingar
Þjóðvegur 1 liggur meðfram Skriðuvatni, sem er í 35 km fjarlægð frá Egilsstöðum, 50 km frá Breiðdalsvík og 50 km frá Djúpavogi um Öxi.
Þjónusta í nágrenninu
Fjarðlægð til bæja
Egilsstaðir: 35 km, Breiðdalsvík 50 km, Akureyri: 285 km um Vaðlaheiðargöng, Reykjavík: 596 km
Nærliggjandi flugvellir
Egilsstaðaflugvöllur: 37 km
Veiðileyfi og upplýsingar
Daglegur veiðitími
Daglegur veiðitími er frá 8:00 – 22:00
Staðsetning
Fréttir af veiði Múlaá
Engin nýleg veiði er á Múlaá!