Veiðin
Ölvesvatn er í Skefilsstaðahreppi í Skagafjarðarsýslu. Það er 2,8 km², nokkuð djúpt og í 169 m hæð yfir sjó. Ölvesvatn er í 6 km fjarlægð frá Hvalnesi. Slóðinn að því er fær flestum hærri fjórhjóladrifsbílum, en aðrir slóðar um svæðið henta betur breyttum jeppum. Yfirleitt er ekki orðið fært upp að vatni fyrr en seinnihluta maí og stendur veiðitíminn yfirleitt fram í miðjan september. Veiðin er bleikja og urriði í svipuðum mæli og mjög blandaður að stærð. Markviss netaveiði var lengi stunduð í Ölvesvatni og gerði það fiskinum í vatninu vel. Þetta varð til þess að auka aðsókn og vinsældir vatnsins. Nú virðist þessari netaveiði hins vegar hafa verið hætt.
Gisting & aðstaða
Veiðihús
Hægt er að kaupa leyfi til að tjalda á Hvalnesi auk þess sem að við Ölvesvatn er hægt að leigja tvö aðstöðuhús með eldunar- og gistiaðstöðu fyrir allt að 6 manns í hvoru húsi. Þar er einnig kamar. Aðstöðuhúsin þarf að panta með fyrirvara hjá umsjónarmanni í Hvalnesi í s: 453-6520 & s: 821-6520, [email protected].
Leiga á húsi: hvort þeirra kostar 21.000 kr í júní, 18.000 kr í júlí og í ágúst 17.000 kr
Tjaldstæði
Tjalda má við vatnið en ganga þarf frá leyfi á Hvalnesi ætli menn að vera yfir nótt.
Veiðireglur
Aðgengi að veiðisvæðinu er takmarkað og öruggara að panta veiðleyfi fyrirfram. Bókanir með aðstöðuhúsi njóta forgangs. Handhöfum Veiðikortsins ber að skrá sig í Hvalnesi og fá lykil að svæðinu. Netaveiði er stranglega bönnuð svo og meðferð skotvopna. Einnig er stranglega bannað að skilja eftir sig rusl og aka utan vega. Börn yngri en 14 ára veiða frítt í fylgd með korthafa. Í Hvalnesi fá veiðimenn veiðiskýrslur til útfyllingar og upplýsingar um svæðið. Veiðiskýrslum og lyklum ber að skila þangað við lok veiða.
Kort og leiðarlýsingar
Veiðisvæðið er allt Ölvesvatn, Grunnutjarnir, Andavatn, Fossvatn, Stífluvatn og árnar Eiðsá, Fossá og Selá
Þjónusta í nágrenninu
Fjarðlægð til bæja
Vegalengdin frá Reykjavík er 366 km um Sauðárkrók og Hvalfjarðargöng, um 40 km frá Sauðárkróki og 67 km frá Skagaströnd.
Veiðileyfi og upplýsingar
Vatnið er hluti af Veiðikortinu
Umsjón og bókanir: Bjarni Egilsson og fjölskylda á Hvalnesi, s: 453-6520
Þeir sem leigja hús og eru ekki með Veiðikortið meðferðis greiða 3000 kr fyrir dagsleyfi
Daglegur veiðitími
24 klukkustundir
Veiðileyfi gildir í sólarhring
Staðsetning
Vinsælar flugur
Myndasafn
Fréttir af veiði Ölvesvatn á Skaga
Engin nýleg veiði er á Ölvesvatn á Skaga!