60000 kr. – 120000 kr.
Sæmundará er falin perla sem rennur um Sæmundarhlíð í Skagafirði. Hún er 22 km að lengd, dragá með 172 km² vatnasvið. Áin er tveggja stanga og var ræktuð upp með góðum árangri fyrir um tveimur áratugum. Skefjalaus netaveiði í Miklavatni spillti þó veiði og hún hrundi á fáum árum niður í nánast ekki neitt. Veiðin hefur verið að koma aftur upp síðustu ár með auknum seiðasleppingum og uppkaupum á netaveiði í vatninu. Auk laxins, er talsvert af sjóbleikju og sjóbirtingi í ánni. Seld eru 2-3 daga holl og eru allar stangirnar seldar saman. Meðalveiði í ánni síðustu 10 árin er um 230 laxar.
Melur er veiðihúsið fyrir Sæmundará og var það byggt sumarið 2019. Þar eru 3 svefnherbergi, með 6 rúmum og sérbaðherbergjum. Í húsinu er rúmgóð stofa með samliggjandi eldhúsi, en þaðan er stórglæsilegt útsýni yfir ánna og nærliggjandi umhverfi. Í eldhúsi er allt sem þarf til eldamennsku og einnig er að finna nýlegt grill á pallinum við húsið. Á pallinum er einnig heitur pottur fyrir þá sem vilja slappa af eftir góðan veiðidag.
Gisting og almenn þrif eru innifalin í veiðigjaldi. Rúmföt og handklæði eru á staðnum.
Þegar húsið er yfirgefið þarf ekki að tæma heita pottinn. Ganga skal frá rusli og dósum/ flöskum í þar til merktar tunnur fyrir utan húsið. Menn eru vinsamlega beðnir um að setja uppþvottavélina í gang.
Veiðisvæðið spannar um 17 kílómetra. Í ánni eru 120 veiðistaðir, frá Fjallsfossi og niður að ós við Miklavatn
Sauðárkrókur: 19 km / Akureyri: 116 km / Reykjavík: 310 km
Akureyrarflugvöllur: 118 km
Byggðasafn Skagafjarðar s: 453-6173, [email protected] / Hólar í Hjaltadal, Ketubjörg á Skaga
Jóhann Valur s: 843-3922 / Leifur s: 662 – 3999 / Jóhannes Þór s: 896-9868
Eftir miðjan ágúst breytist seinni vaktin í 15:00 – 21:00
Sæmundará í Skagafirði er mögnuð perla þegar kemur að laxveiði. Hún er ekki mikil um sig en fóstrar stórlaxastofn. Einn slíkur veiddist í vikunni og fleiri misstust. Sá sem landaði
Veiði í Sæmundará skammt frá Sauðárkróki fer vel af stað. Áin opnaði 7. júlí og eru nú komnir á land ríflega fjörutíu laxar. Fyrstu dagana er veitt á tvær stangir
