Sænautavatn

Stærð þessa góða veiðivatns er 2,3 km², mesta dýpt 23 m og það er í 525 m hæð yfir sjó. Sænautavatn liggur frá norðri til suðurs og bærinn Rangalón, sem fór í eyði 1924, er við norðurenda þess. Bærinn Sænautasel, sem hefur verið endurbyggður sem safn, er við suðurenda vatnsins. Úr vatninu rennur Lónskvísl sem fellur í Hofsá í Vopnafirði. Sænautavatn er með djúpan skurð í miðju, dýpst 24 m. Mikill og allvænn fiskur er í vatninu, 1-6 punda bleikja, sem þykir sérlega bragðgóð. Vatnið grynnkar mjög til jaðrana og veiðist oft vel þar sem grynning og dýpi mætast. Um lágnættið er oft sérstaklega farsæl veiði. Jöfn veiði er yfir veiðitímann, þó yfirleitt meiri í maí og júní.