Selá í Steingrímsfirði

Þetta er ein af vatnsmestu ám á Vestfjörðum með meðalrennsli í kringum 16 rúmm. / sek og á hún upptök sín á Ófeigsfjarðarheiði í um 500 metra hæð yfir sjávarmáli. Í Selá veiðist bæði sjó­bleikja og lax en held­ur hef­ur bleikju­veiðin minnkað und­an­far­in ár, hver svo sem ástæðan gæti verið. Meðal­veiðin er um 200 bleikj­ur en fór uppí 600 bleikj­ur árið 2006 en hef­ur minnkað síðan. Laxa­seiðum var sleppt fyr­ir all­nokkr­um árum og hef­ur meðal­veiði á laxi verið í kring­um 40 fisk­ar á sumri. Seiðabú­skap­ur hef­ur verið mjög góður, að sögn for­manns veiðifé­lags­ins, og því hef­ur seiðum ekki verið sleppt í ána und­an­far­in ár.