Skjálfandafljót

Austurbakki Efri – 2 stangir.

Keyrt er upp með vaði og lagt á bílastæði við Skipapoll. Þar er bátur og skal róið á honum yfir Skipapollinn og gengið upp Þingey. Svæðamörk ná frá Barnafossi niður að gljúfurmynni. Eins og alls staðar í Skjálfandafljóti er full þörf á að fara með aðgát á svæðinu. Sumir veiðistaðir á efri Austurbakka efra eru ekki aðgengilegir og notast skal við kaðla til að styðjast við.

Helstu veiðistaðir: Pálsbreiða, Sandhylur, Grjóthylur, Tótaklöpp, Litla Breiða, Steinabreiða, Fosspollur norðan, Fosspollur sunnan, Ingólfshöfði, Geirahola.

Austurbakki Neðri ásamt Grænhyljum að austanverðu – 2 stangir

Keyrt er upp með vaði og lagt á bílastæði við Skipapoll. Þar er bátur sem menn geta notað til þess að komast yfir, til að veiða útfallið í kringum Ullarfoss. Veiðisvæðið nær frá gljúfurkjafti að austanverðu og niður undir landamerkjagirðingu neðst í Fossselsskógi.

Helstu veiðistaðir: Stóri og Litli Grænhylur að austan, Gosselskvísl, Skipapollur, Skipapollsútföll.

Barnafell og Vesturbakki Efri -2 stangir

Veiðisvæðið nær frá Barnafossi vestanmegin og niður fyrir Votulágarpolla á vesturbakka. Til þess að komast að Barnafelli er keyrt inn afleggjara að Fremstafelli, alla leið þar til vegur endar við Barnafoss. Það getur verið hættulegt að ganga niður í Barnafell og eru veiðimenn beðnir um að fara með aðgát. Til þess að komast að Vesturbakka efri er keyrt inn í Ystafellsskóg og keyrt alla leið að sumarhúsi sem er staðsett þar. Þar er bílastæði og menn ganga þaðan. Talsvert er hægt að vaða á vesturbakkanum og menn beðnir um að fara varlega við ánna. Þegar menn veiða litla og stóra Grænhyl er eingöngu heimild til þess að veiða vestan megin og út í miðja á.

Veiðitilhögun: Þegar veitt er með 2 stöngum er einungis leyft að veiða í 6 klst í Barnafelli og 6 klst á vesturbakkanum. Hins vegar sé veitt með einni stöng má veiða 12 klst á hvorum stað.

Helstu veiðistaðir: Barnafellsbreiða, Syðri & Ytri Fellsselspollar, Stóri Grænhylur vestan megin, Litli Grænhylur vestan megin.