Veiðin
Skorradalsvatn er mikið og stórt og liggur í um 58 metrum yfir sjávarmáli. Vatnið er um 16 km langt en þó ekki nema um 1 ~ 1.5 km að breidd að stærstum hluta. Það er djúpt, eða um 48 metrar þar sem það hefur verið mælt dýpst, en meðaldýptin er um 22 metrar. Úr vatninu rennur Andakílsá, sem er þekkt laxveiðiá, og í vatnið rennur Fitjaá úr Eiríksvatni. Í Skorradalsvatni er mikið af fiski, að stærstum hluta smábleikja, en þarna eru einnig risavaxnar bleikjur og gríðarvænir urriðar. Hins vegar hefur reynst fremur erfitt að veiða þessa fiska á stöng frá bakka og flestir af þessum stóru fiskum koma á þegar trollað er af báti með stórum spúnum eða þeir eru veiddir í net. Þetta er þó ekki algilt og alltaf veiðast fallegir silungar á stöng ár hvert, þeir vænstu snemmsumars eða að hausti. Skorradalsvatn er nokkuð aðgrunnt næst landi en svo dýpkar það hratt. Fengsælt hefur verið t.d. undan Stóru Drageyri þar sem lækurinn rennur niður í vatnið.
Gisting & aðstaða
Tjaldstæði
Tjaldstæði eru í Selskógi s: 789-8442
Veiðireglur
Óheimilt er að tjalda við vatnið; tjaldstæði er í Selskógi og er veiðimönnum bent á að tjalda þar.
Óheimilt er að kveikja elda í Skorradal.
Veiðimenn skulu hafa veiðileyfi með sér og sýna þau eftirlitsmönnum ef um er beðið. Þeim ber að fara eftir veiðireglum og virða veiðibannsvæði (sjá hér). Einnig ber þeim að ganga vel um landið og skilja ekki eftir sig rusl.
Kort og leiðarlýsingar
Þjónusta í nágrenninu
Fjarðlægð til bæja
Borgarnes: 28 km, Akranes: 56 km, Reykjavík: 95 km og Akureyri: um 330 km
Áhugaverðir staðir
Hernámssetrið 30 km, Deildartunguhver og Krauma: 30 km, Hraunfossar & Barnafoss: 50 km, Húsfell: 57 km og Víðgelmir: 61 km
Veiðileyfi og upplýsingar
Formaður Veiðifélags Skorradalsvatns, Jón A. Guðmundsson frá Fitjum s: 857-7527
Sumarkort: 20.000 kr
Daglegur veiðitími
Hann er sveigjanlegur, en miðast þó við 12 klst. daglega.
Staðsetning
Fréttir af veiði Skorradalsvatn
Engin nýleg veiði er á Skorradalsvatn!