Veiðitímabil
Leyfilegt agn
Fjöldi stanga
Kvóti
Gistimöguleikar
Leiðsögn
Aðgengi
Verðbil
65000 kr. – 153000 kr.
Veiðin
Straumfjarðará er með nafntoguðustu laxveiðiám landsins og er bæði gjöful og skemmtileg veiðiá. Áin á upptök sín í fjöllunum á norðanverðu Snæfellsnesi og dregur vatn í hana úr Baulárvallarvatni og uppsprettum Köldukvíslar í Kerlingarskarði. Einnig renna fjöldi smárra lækja og áa í Straumfjarðará, eftir því sem neðar dregur. Í neðri hluta árinnar bætist nokkuð við af vatni, þar sem árnar Fáskrúð, Grímsá og Laxá í Miklaholtshreppi renna saman við ána.
Áin hentar best til veiða með einhendum, 9 – 10 feta stöngum og flotlínum. Þó getur það reynst gott að vera með stuttar tvíhendur eða Switch stangir við suma veiðistaði.
Gisting & aðstaða
Veiðihús
Veiðihúsið við Straumfjarðará stendur í landi Dals og er afleggjari að því frá þjóðveginum um Vatnaleið. Húsið var byggt árið 2005 og fellur einstaklega vel inn í mikilfenglegt landslag við ána. Í húsinu eru 5 tveggja manna herbergi, hvert með sér baðherbergi þar sem er bæði klósett og sturta. Saunaklefi er við húsið þar sem hægt er að láta þreytuna líða úr sér í lok veiðidags. Vöðlugeymsla, aðgerðarborð og laxakælir er einnig við húsið og setustofa er búin arni og er öll hin huggulegasta. Full þjónusta er í húsinu allan veiðitíman.
Kort og leiðarlýsingar
Frá Reykjavík eru um 150 km. vestur að Straumfjarðará og er ekið um Borgarnes, svo þjóðveg 54 (Snæfellsnesveg) að Vegamótum þjóðvegs 54 og 56. Þar er beygt til hægri og keyrt spölkorn að bænum Dal en þar er afleggjari til vinstri tekinn og keyrt að veiðihúsinu. Afleggjarinn er merktur með skilti sem á stendur Veiðihús Straumfjarðará.
Veiðisvæðið nær frá ósi og upp að fossinum Rjúkanda. Samtals um 12 km og telur 27 merkta veiðistaði
Þjónusta í nágrenninu
Fjarðlægð til bæja
Borgarnes: 60 km / Reykjavík: 150 km
Nærliggjandi flugvellir
Reykjavíkurflugvöllur: 155 km
Áhugaverðir staðir
Snæfellsjökull og nágrenni, Eldborg
Veiðileyfi og upplýsingar
Veiðifélag Straumfjarðarár, Páll Ingólfsson s: 893-1135
Daglegur veiðitími
Morgunvakt
Kvöldvakt
Frá 15. ágúst er veitt á seinni vaktinni frá 15:00 – 21:00. Á skiptidögum er einungis veitt til kl. 12:00 á morgunvaktinni.
Staðsetning
Vinsælar flugur
Fréttir af veiði Straumfjarðará
Engin nýleg veiði er á Straumfjarðará!