Urriðafoss í Þjórsá er ein af þekktum náttúruperlum Íslands en um fossinn fer gífurlegt magn af laxi, aðallega í júní. Þjórsá geymir einn stærsta, villta laxastofn landsins og er stangveiði í Urriðafossi oft eins og ævintýri. Stangveiði í fossinum hófst ekki fyrr en árið 2017 en hann hefur þó strax skipað sér í fremstu röð meðal bestu laxveiðisvæða landsins. Veiðin 2020 var 990 laxar og sumarið 2021 komu 823 laxar á land.
Suðurland
Eigandi myndar: ioveidileyfi
Veiðitímabil
Leyfilegt agn
Fluga, Maðkur
Fjöldi stanga
4 stangir
Kvóti
5 fiskar á stöng/dag
Leiðsögn
ekki í boði
Aðgengi
Þarfnast leyfi
Verðbil
heill dagur
Veiðin
Gistimöguleikar
Gistihús
Fyrir þá sem vilja koma kvöldinu áður og gista er boðið upp á góða gistingu við bæinn Urriðafoss. Frekari upplýsingar um gistingu er gefnar á netfanginu: [email protected]
Aðrir gistimöguleikar
Menn hafa aðgang að litlu sumarhúsi þar sem hægt er að snæða nesti, komast á klósett og nota grill. Sumarhúsið er á hægri hönd áður en komið er að bænum Urriðafossi og er fyrsta húsið sem komið er að þegar beygt er inn á afleggjarann að bænum.
Veiðireglur
Veiðitilhögun frá 24. – 31. maí: Veitt er á 3 stangir og B-svæði fylgir. Eingöngu veitt á flugu og öllu sleppt. Mjög spennandi kostur en mjög fáir veiðimenn á Íslandi hafa veitt lax í maí. Þeir sem hafa áhuga á að veiða í maí, vinsamlega sendi tölvupóst (info@icelandoutfitters.com) en viðkomandi pantanir verða afgreiddar ef samþykki fæst frá Veiðifélagi Þjórsár.
Mælt er með því að menn hlífi stórlaxi. Þegar kvóta er náð er skylda að hætta að veiða og hvorki má veiða á maðk eða flugu. Því er mönnum ráðlagt að sleppa ósárum fiskum, ætli þeir ekki að klára kvótann of snemma.
Veiðibók er í kassa við bílastæðið, vinsamlegast skráið allan afla!
Þjórsá er stór og mikil og skulu menn fara varlega. Áin er mjög hættuleg og er mælst til þess að fólk hvorki vaði né taki aðra óþarfa áhættu. Veiðimenn eru á eigin ábyrgð við veiðar í Urriðafossi.
Kort og leiðarlýsingar
Veiðisvæðið nær frá veiðistöðunum Gljúfur og niður fyrir veiðistaðina Vaður.
Veitt er á 4 stangir á veiðisvæðinu og eru aðalveiðistaðirnir Lækjalátur og Hulda. Efra svæðið er Lækjalátur og Lækjarbreiða og neðra svæðið eru Hulda og niður fyrir Vað. Frá og með 15. júlí fylgir veiðistaðurinn Sandholt. 2 stangir veiða efra og 2 neðra. Veiðisvæðaskipting er alfarið á ábyrgð veiðimanna en mælt er með að fólk hittist kl. 06:45 á bílastæðinu við Urriðafoss og kasti upp á hvor byrjar hvar og hafi 1,5 tíma skiptingu.
Þjónusta í nágrenninu
Fjarðlægð til bæja
Hella: 20 km, Selfoss: 19 km, Reykjavík: 77 km, Reykjanesbær: 115 og Akureyri: 446 km
Veitingastaðir
Selfoss: 19 km.
Veiðileyfi og upplýsingar
IO veiðileyfi, s: 466-2680, info@icelandoutfitters.com
Daglegur veiðitími
Morgunvakt
Kvöldvakt
Varðandi daglegan veiðitíma
11-31/8 er veiðitíminn 07:00-13:00 og 15:00-21:00
1-15/9 er veiðitíminn 07:00-13:00 og 14:00-20:00
Staðsetning
Suðurland
Fréttir af veiði Urriðafoss í Þjórsá
Engin nýleg veiði er á Urriðafoss í Þjórsá!
© 2022 Veiðiheimar. Vefsíðugerð & hönnun: Basic Markaðsstofa